सिरहाका चारै निर्वाचन क्षेत्रमा सत्ता गठबन्धन पराजीत, एमाले-जसपा गठबन्धन विजयी

  • मंसिर १०, २०७९
  • समृद्धिपथ
alt

सिरहा, मंसिर १० । सिराहाको चार वटै निर्वाचन क्षेत्रमा एमाले जसपा गठबन्धन निर्वाचित भएका छन् । क्षेत्र नम्बर १ मा एमाले, २ मा जसपा, ३ मा एमाले र ४ नम्बर क्षेत्रमा जसपाका उम्मेदवार निर्वाचित भएका हुन ।

सिराहा १ मा एमालेका रामशंकर यादव, क्षेत्र नं २ मा जसपाका नेता राजकिशोर यादव , क्षेत्र नं ३ मा एमालेकै नेता पूर्व कानुनमन्त्री लिलानाथ श्रेष्ठ पुनः निर्वाचित हुनुभएको छ भने ४ नम्बर क्षेत्रमा डा. विरेन्द्रप्रसाद महतो निर्वाचित हुनुभएको छ ।

प्रदेशसभामा मिश्रित परिणाम

प्रदेशसभातर्फका आठ क्षेत्रमा भने मिश्रित परिणाम आएको छ । एमाले जसपा गठबन्धन र पाँच दलीय बाम-लोकतान्त्रिक गठबन्धन र अन्य स-साना दलले उम्मेदवारी दिए पनि एमाले गठबन्धन, सत्ता गठबन्धन र जनमत पार्टीका उम्मेदवार निर्वाचित भएका छन् ।

सिरहा १ (क) मा एमालेका राजेन्द्रप्रसाद चौधरी थारुले विजयी हुनुभएको छ भने प्रदेश ‘ख’मा जनता समाजवादी पार्टीका राजकुमार गुप्ता विजयी हुनुभयो ।

क्षेत्र नम्बर २ (क) बाट जनमत पार्टीका संजय यादब र निर्वाचन क्षेत्र नं २ ‘ख’मा नेकपा एमालेका सत्रुधनप्रसाद सिंह विजयी हुनुभएको छ ।

सिरहा ३ ‘क’ मा एमालेका मनोज सिंह विजयी भए भने (ख) मा बाम-लोकतान्त्रिक गठबन्धनका एकीकृत समाजवादीका प्रमोदकुमार यादबले निर्वाचित हुनुभएको छ ।

सिरहा ४ (क) मा प्रदेशसभा सदस्यमा जनमत पार्टीका त्रिभुवन साह र ‘ख’मा सात्ता गठबन्धनका लोकतान्त्रिक समाजवादी पार्टीका राम बाबु यादव निर्वाचित हुनुभएको छ ।

सिराहाको चार वटै निर्वाचन क्षेत्रको प्रत्यक्षतर्फको मतगनणा सकिएको र समानुपातिक तर्फको मतगणना जारी रहेको मुख्य निर्वाचन अधिकृत काजीबहादुर राईले जनाउनु भयो । जिल्लामा दुई लाख २४ हजार ९९ पुरुष, एक लाख ९८ हजार ६ सय ११ महिला र २ अन्य मतदातासहित जम्मा चार लाख २२ हजार ७१ मतदाता छन् ।

रोकिएन बिद्यालयमा या ...

दुर्गा परियार, सिरहा । बाबू स्कुल जाउ नत्र सरलाई भनी ...

लहान ९ मा दुई दिने थ ...

फिरोज सिद्दिकी, लहान । थारु कला संस्कृतिको संरक्षण गर् ...

लहानमा प्रथम थारू मा ...

लहान । सिरहाको लहान ९ गोठ टोलमा माघी पर्वको अवसरमा प्रथ ...

मधेस प्रदेशको मुख्यम ...

पुस २७ , जनकपुरधाम । जनता समाजवादी पार्टी नेपालका नेता ...

सुचना तथा प्रसारण विभाग: N/A

Copyright © 2020 / 2023 - Samriddhipath.com All rights reserved

प्रेस काउन्सिल नेपाल: : N/A