महदेवा पोर्ताहा मावि विज्ञान प्रदर्शनीमा प्रथम

 

जीवछ उदासी 

लहान,कातिक २ ४ गते । 

वरियारपटि युवा समाजले आयोजना गरेको विज्ञान कला तथा सांस्कृतिक प्रर्दशनमा श्री जनता माध्यमिक विद्यालय महदेवा पोर्ताहा प्रथम भएको छ । 

सामाजिक वातावरण तथा नृत्यमा क्रमश: द्वितीय र तृतीय समेत भएकोमा विद्यालय परिवार हर्षित देखिएका छन् । 

कातिक २२ र २३ गते आयोजना गरिएको प्रदर्शनमा १५४ वटा विद्यालयहरु सहभागी भएको थियो । प्रथम,द्वितीय र तृतीय स्थान ल्याउन सफल भएकोमा मिहिनेतको फल मिठो हुन्छ भने महसुस भएको त्यस विद्यालयका प्रधानाध्यापक घुरन यादवले बताउनुभयो । 

सखुवानन्लारकटिको साँख जिल्लामा नै श्रीवृद्धि गरेको खुसी गाउँपालिका अध्यक्ष केदारनाथ यादवले भन्दै यस विद्यालयको भौतिक र शैक्षिक विकासको लागि पालिकाले आवश्यक सहयोग गरी नमूना विद्यालय बनाउने विश्वास व्यक्त गर्नुभयो ।

 

विद्यालयको शैक्षिक अवस्था राम्रो रहेको त्यस विद्यालयका विद्यालय व्यवस्थापन समितिका अध्यक्ष सत्य नारायण यादवले भन्दै प्रथम द्वितीय र तृतीय पुरस्कार जित्न सफल भएकोमा गौरव महसुस भइरहेको बताउनुभयो ।

विज्ञान कला तथा सांस्कृतिक कार्यक्रम आयोजना गरेर बरियारपटि युवा समाजले राम्रो काम गरेको र सहयोग गर्नु भएको वरियारपटि गाउँपालिका अध्यक्ष सन्तोष महतोको प्रशंसा जिल्लाभरिमा भइरहेको छ ।