लायन्स क्लवद्वारा विद्यालयमा वृक्षारोपन

 

जीवछ उदासी 

लहान,असार २७ गते । 

लायन्स क्लव अफ फूलवारीले सामुदायिक विद्यालयको खुल्ला ठाउँमा वृक्षारोपन कार्यलाई अघि बढाएको छ । पर्यावरण दिवसको अवसरमा सुुरु गरिएको वृक्षारोपन कार्यलाई सताव्यापी रुपमा अघि बढाएको हो । 

क्लवका अध्यक्ष शङकर प्रसाद गुप्ताको अनुसार वातावरणको दिवसको अवसरमा सुरु गरिएको वृक्षारोपन कार्यक्रम अन्तर्गत बुधवार लहान-१७ स्थित श्री जनता आघारभूत विद्यालय बलानसेर -१७ मा अम्बा आँप गुलमोहर लगायत वातावरणमैत्री विरुवा रोपिएको हो । 

विद्यालयमा क्लबबाट विरुवा रोपेर ठूलो गुण लगाएको त्यस विद्यालयका प्रधानाध्यापक मदन मण्डलले बताउनुभयो । 

अति विपन्न गरीव दलित वस्तीमा रहेको यस विद्यालयको भौतिक निर्माण लगायत अन्य क्षेत्रमा क्लबबाट यस्तै सहयोग प्राप्त भइरहोस् विद्यालय व्यवस्थापन समितिका अध्यक्ष विन्देश्वर सदायले धारणा व्यक्त गर्नुभयो । 

रोपिएको विरुवाहरुको संरक्षण गर्न सरोकारवालाहरुसँग अध्यक्ष गुप्ताले आग्रह गर्दै यस विद्यालयको भौतिक र वातावरणीय क्षेत्रमा सहयोग गरिरहने विश्वास दिलाउनुभयो । क्लव स्थापनाकालदेखि शिक्षा स्वास्थ्य वातावरण र दैविक प्रकोपमा सहयोग गर्दै आइरहेको उहाँले प्रष्टयाउनुभयो ।