लायन्स क्लब अफ लहान फुलबारीद्वारा साउण्ड सिस्टम वितरण कार्यक्रम सम्पन्न

फिरोज सिद्दिकी

लहान । लायन्स क्लब अफ लहान फुलबारीद्वारा आयोजित “साउण्ड सिस्टम वितरण कार्यक्रम“ लहान-१० स्थित श्री जनता मावि, वैरिया गुदिगाउँमा भव्य रूपमा सम्पन्न भएको छ। कार्यक्रम पुष्पा-हरिकिशन सारडा, लहान-७ को सौजन्यमा सम्पन्न भएको हो।

कार्यक्रमको अध्यक्षता क्लबका अध्यक्ष लायन शंकर प्रसाद गुप्ताले गर्नुभएको थियो भने प्रमुख अतिथिको रूपमा क्लबका चार्टर प्रेसिडेन्ट लायन राकेश झा रहनुभएको थियो।

कार्यक्रममा क्लबका द्वितीय उपाध्यक्ष लायन श्यामसुन्दर साह, तृतीय उपाध्यक्ष लायन मनिष सारडा, महासचिव दिपेन्द्र साह, कोषाध्यक्ष शिवदयाल महतो लगायत डा. रितेश गिरी, डा. बिनय कुमार यादव, डा. मिथिलेश सिंह, बिजय कुमार यादव, उपेन्द्र कुमार यादव, सुभाष चन्द्र चौधरी, प्रदीप कुमार यादवको विशेष उपस्थिति रहेको आयोजकले जनाएको छ।

विद्यालयका प्रधानाध्यापक रंगलाल साह र विद्यालय व्यवस्थापन समितिका अध्यक्ष उमेश कुमार बिसुन्केले विद्यालयको तर्फबाट अतिथिहरुलाई स्वागत गर्नुभएको थियो। यसैगरी दलित जनकल्याण युवा क्लबका निर्देशक बिनोद कुमार बिसुन्के, पत्रकार महेश सिंह, गायत्री चेतना केन्द्रका अनिल पूर्वे, विद्यालय युवा क्लबका अध्यक्ष, शिक्षक, विद्यार्थी र स्थानीय महानुभावहरूको पनि कार्यक्रममा उल्लेखनीय उपस्थिति रहेको थियो।

कार्यक्रम सञ्चालन विद्यालयका शिक्षक जिवक्ष यादवले गर्नुभएको थियो। लायन्स क्लब अफ लहान फुलबारीले सामाजिक सेवामा यस्ता थुप्रै महत्त्वपूर्ण कार्यहरू गर्दै आएको र यस कार्यक्रमले विद्यालयको शैक्षिक गतिविधिमा थप योगदान पुर्याउने विश्वास गरिएको छ।