लायन्स क्लब अफ लहान सनसाइनद्वारा शैक्षिक सामग्री वितरण

फिरोज सिद्दिकी 

लहान । लायन्स क्लब अफ लहान सनसाइनको आयोजनामा लहान नगरपालिका वडा नम्बर १७ स्थित श्री आधारभूत विद्यालय, बलानसेरका विद्यार्थीहरूलाई शैक्षिक सामग्री वितरण गरिएको छ। 

शुक्रबारका दिन आयोजित कार्यक्रममा विद्यालयका सम्पूर्ण विद्यार्थीलाई कापी, पेन्सिल, एरेजर, कटरलगायतका सामग्री प्रदान गरिएको हो।

शैक्षिक सामग्री वितरण कार्यक्रममा वडा अध्यक्ष प्रथमलाल चौधरी, लायन्स क्लब डिस्ट्रिक्ट ३२५ का जीइटी कोअर्डिनेटर पचक्रपाणि दहाल, एलर्ट चिफ सुदिप कुमार चौधरी, जोन चेरपर्सन पुनम चौधरी, आयोजक क्लबका अध्यक्ष सङ्गिता कुमारी चौधरी, एलसिआइएफ कोअर्डिनेटर रिंकि साह, सर्भिस चेयरपर्सन रुबि कामेत, डाइरेक्टरद्वय कन्चन चौधरी र सङ्गिता चौधरी, विद्यालय व्यवस्थापन समितिका अध्यक्ष, प्रधानाध्यापक मदन मण्डल, शिक्षक-शिक्षिका र अभिभावकहरूको उल्लेखनीय उपस्थिति रहेको थियो।  

विद्यालयमा अध्ययनरत ९५% भन्दा बढी विद्यार्थीहरू अत्यन्तै विपन्न दलित समुदायका भएको कारण यस विद्यालयलाई प्राथमिकतामा राखी शैक्षिक सामग्री वितरण गरिएको आयोजकले जनाएका छन्। कार्यक्रमले विपन्न समुदायका बालबालिकाहरूको शैक्षिक यात्रा थप सहज बनाउन सहयोग गर्ने विश्वास आयोजकले व्यक्त गरेका छन्।

यसअघि पनि सोही विद्यालयका विद्यार्थीलाई विद्यालय पोशाक, स्कुल ब्याग, स्टेसनरी सामग्री र खाजालगायतका सामग्रीहरू वितरण गरिसकिएको थियो।