प्रेस चौतारी नेपाल सिरहा शाखाको जिल्ला अधिवेशन आज हुँदै

फिरोज सिद्दिकी 

सिरहा, २४ माघ । प्रेस चौतारी नेपाल सिरहा शाखाको जिल्ला अधिवेशन आज बिहीबार सिरहाको गोलबजार नगरपालिका, चोहर्वामा हुने भएको छ। अधिवेशन दिउँसो १२:१५ बजे सुरू हुने तय गरिएको हो।  

कार्यक्रमका प्रमुख अतिथि नेकपा एमाले मधेश प्रदेश इन्चार्ज एवं पूर्व कानुन मन्त्री लिलानाथ श्रेष्ठ रहनुहुनेछ। साथै, प्रेस चौतारी नेपालका केन्द्रीय महासचिव तथा नेपाल पत्रकार महासंघका केन्द्रीय सचिव हिरा लामा, नेकपा एमाले मधेश प्रदेश अध्यक्ष चन्देश्वर मण्डल, नेकपा एमाले जिल्ला अध्यक्ष डा. नवीन यादव, नेपाल पत्रकार महासंघ मधेश प्रदेश अध्यक्ष श्याम बन्जारा, नेपाल पत्रकार महासंघ केन्द्रीय लेखा समिति संयोजक केशिलामि छाने, चौतारी केन्द्रीय सदस्य आच्युत पौड्याल लगायतको उपस्थिति रहनेछ प्रेस चौतारी नेपाल सिरहा शाखाका कार्यवाहक अध्यक्ष शिव कुमार साहले जानकारी दिएका छन्।  

अध्यक्ष साहले सबै सम्बद्ध पत्रकारहरूलाई निर्धारित समयमा उपस्थित हुन आग्रह गर्नुभएको छ।