लहान क्याम्पसको १९ करोडभन्दा बढीको बजेट पारित

  • कार्तिक २३, २०८०
  • समृद्धिपथ
alt

 

जीवछ उदासी 

लहान,कातिक २३ गते । 

लहान स्थित श्री जेएस मुरारका बहुमुखी क्याम्पसको २०८०/०८१ को लागि अनुमानित १९ करोड १९ लाख ९८ हजार ७८९/३५ पैसाको अनुमानित बजेट पारित भएको छ । 

बिभिन्न सुझाव सहित बजेट पास भएको हो । ६१ वटा शिर्षकमा समेटिएको वार्षिक बजेटलाई पारित गर्दै समितिका सदस्यहरु र नात्मक सुझाव दिनु भएको थियो । 

सञ्चालक समितिका सदस्य राजकुमार साहले बजेट आउनुभन्दा पहिले नीति तथा कार्यक्रम ल्याउन गहन छलफल हुनुपर्ने सुझाव दिनु भएको थियो । 

 हेमन्त कुमार यादवले प्रध्यापक र कर्मचारीहरुको बढुवा गर्दा यसको दुर्गामी आर्थिक व्ययको खाका नलियाई गर्ने बढुवाले भविष्यमा पर्न सक्ने प्रभावबारे जिज्ञासा राख्नुभयो । उहाँले राख्नु भएको विषयमा सञ्चालक समितिका सुदिप कुशवाहा राजकुमार साह लगायतका सदस्यहरुले यस विषयमा गम्भीर हुनुपर्ने धारणा राख्नुभयो । 

IMG_20231109_145941

पाँच वर्षदेखि वढुवा प्रक्रिया रोकिएकोले समस्या समाधान गरेकोमा राम्रै सन्देस गएपनि क्याम्पसमा विधार्थी संख्या बढाउन गुणस्तरी पढाइमा जोड दिनुपर्ने सञ्चालक समितिका पूर्व अध्यक्ष रामसुन्दर चौधरीले सुझाव दिनुभयो । 

सञ्चालक समितिका अर्का सदस्य सञ्जय कुमार यादवले क्याम्पसको प्रगतिको लागि समयले माग गरेको प्राविधिकधारको पढाइ र बिबिए जनप्रशासन जस्ता संकाय थप्न सक्रिय पहलको आवश्यक्ता रहेको तर्क गर्नुभयो । 

स्वतन्त्र विधार्थी युनियनका सभापति रामकृष्ण यादवले खेलकुदमा बजेट कमभयो भन्दै बजेट बढाउन माग गर्नुभयो । उहाँले मागलाई ध्यानमा राखेर बजेट बढाउनुपर्ने माग सहि रहेको सुदिप कुशवाहाले समेत दह्रो समर्थन जनाएपछि खेलकुदको बजेट थपिएको हो । 

प्रदेशसभा सदस्य तथा सञ्चालक समिति सदस्य राजेन्द्रप्रसाद चौधरीले बजेटमा रहेको अनावश्यक शिर्षकको रकम कटौती गरेर आर्थिक मित व्यविता अपनाउनुपर्ने सुझाव दिनुभयो । 

संस्थापक सञ्चालक समितिका अध्यक्ष लग लाल चौधरीले क्याम्पसको आर्थिक अवस्था डमाडोल हुन नदिन क्याम्पस प्रशासन चनाखो रहनुपर्ने धारणा व्यक्त गर्नुभयो । 

IMG-20231109-WA0004

सिरहा -१ का संघीत सांसद तथा सञ्चालक समितिको सदस्य राम शङकर यादवले यो क्याम्पस हाम्रो गौरव हो । यसको अवस्था सुदृढ बनाउन म आफ्नो पदीय जिम्मेबारी अनुसारको सहयोग गरिरहने प्रतिवद्धता व्यक्त गर्नुभयो । उहाँले भन्नुभयो,'गुणस्तरीय शिक्षा दिन यस क्याम्पसको शिक्षण कार्यमा कुनै त्रुटि रहन दिनु हुँदैन । यो क्याम्पस देशकै नमूना क्याम्पस बनाउन हामी दृढ संकल्प लिएर अघि बढ्नुपर्छ ।' 

 सञ्चालक समितिका अध्यक्ष तथा लहान नगरप्रमुख महेश प्रसाद चौधरीले आएका सकारात्मक सुझावहरुलाई ध्यानमा राखेर यस क्याम्पसको भौतिक र शैक्षिक विकास गर्न सहमती संस्कृतिको अबलम्बन गरेर अघि बढिरहने प्रतिवद्धता व्यक्त गर्नुभयो । 

IMG_20231109_160750

बैठकमा संघीय सांसद राम शङकर यादव पहिलोपटक सहभागी हुनु भएकोले खादा ओढाएर अध्यक्ष चौधरीले सम्मान गर्नु भएको थियो । 

आजको बैठकले आँपको बगैंचा तथा पोखरी ठेक्का लगाउने कार्यविधि २०८० पारित गर्नुको साथै विभिन्न प्रस्तावहरु पारित गरेको थियो । 

आजको बैठकमा सञ्चालक समितिका सदस्यहरु जितेन्द्र प्रकाश महतो,लभ कुमार मण्डल,मन्टी कुमार मण्डल,कुमार कमलेन्द्रम,प्रमोदानन्द झा क्यामपस उप प्रमुख सज्न कुमार साह लगायतका सदस्यहरुले समेत सुझाव दिनु भएको थियो । 

सिरहाको कसहामा ट्रक ...

सिरहा । सिरहामा ट्रक र मोटरसाइकल ठोक्किँदा दुई जनाको मृ ...

कृषि फार्ममा व्यस्त ...

जीवछ उदासीलहान, जेठ ३० गते  लहान नगरपालिकाका पूर् ...

सबैको सहयोगबाट मात्र ...

जीवछ उदासीलहान,जेठ ३० गते । सिरहा जिल्लामा(१६–२५ ...

लहानमा मेलाको आयोजना ...

फिरोज सिद्दिकी लहान । ‘महिनावारी मैत्री विश्व&rs ...

सुचना तथा प्रसारण विभाग: N/A

Copyright © 2020 / 2024 - Samriddhipath.com All rights reserved

प्रेस काउन्सिल नेपाल: : N/A