'खेलकुदमा जोडेर लागुऔषधको लतबाट जोगाउनुपर्छ'

 

जीवछ उदासी 

लहान,फागुन १६ गते । 

लहान नगरप्रमुख महेश प्रसाद चौधरीले खेलकुदमा युवाहरुलाई जोडिए लागु औषधको लतबाट बचाउन सकिने बताउनु भएको छ । नगरस्यरी अन्तर राष्ट्रपति रनिङग शिल्ड प्रतियोगितालाई लहान स्थित पशुपति माविको खेल मैदानमा उद्घाटन गर्दै यस्तो बताउनु भएको हो ।

लहान नगरपालिकाले शिक्षालाई प्राथमिकतामा राखेर अघि बढिरहेको उहाँले बताउनुभयो । नगरप्रमुख चौधरीले भन्नुभयो,'६ करोड बजेट विनियोजन गरेर एक कक्षा एक शिक्षा एक विद्यालय एक कम्प्युटर ल्याव कार्यक्रम अघि बढाएको छ । लागु औषधको लतमा लागेको युवाहरुलाई खेलकुदमा जोडने उद्येश्यले नगर स्तरीय अन्तर राष्ट्रपति रनिङग शिल्ड प्रतियोगिता आयोजना भएको छ ।'सामुदायिक विद्यालयको सुधार गरेर समाजमा देखिएको शैक्षिक विभेद न्युनिकरण गरिने उहाँले प्रष्टयाउनुभयो । 

प्रतियोगिता निष्पक्ष रुपमा हुने र खेलकुदलाई बढावा दिन लहान नगरपालिकाले प्रशंसनीय कार्य गरिरहेको नेपाल पत्रकार महासंघ सिरहाका अध्यक्ष मनोज बनैता यादवले भन्दै संस्थागत विद्यालयहरुको शौचालय र खेल मैदान भएको नभए अनुगमन आवश्यक रहेको तर्क गर्नुभयो । तीन दिनसम्म चल्ने प्रतियोगितामा पाँच दर्जन विद्यालयहरुको सहभागिता रहेको छ ।