अदालतबाट हतकडी फुत्काएर फरार भएका थुनुवा भारत सीमा क्षेत्रबाट पक्राउ

सिरहा । सिरहा जिल्ला अदालत परिसरबाट हतकडी फुत्काएर फरार भएका लागूऔषध मुद्दाका एक थुनुवा पक्राउ परेका छन्।

पक्राउ पर्नेमा सिरहा नगरपालिका–१४ खिरौनाका १९ वर्षीय सतिस दास रहेका छन्। उनी गत असोज २१ गते ब्राउन सुगरसहित पक्राउ परेका थिए।

असोज २२ गते सिरहा जिल्ला अदालतबाट २० दिनको म्याद थप गरी फर्काउने क्रममा अदालत परिसरबाटै हतकडी फुत्काएर उनी फरार भएका थिए।

फरार दासको खोजी गर्ने क्रममा प्रहरीले कात्तिक बिहीबार राति सिरहा नगरपालिका–१४ खिरौनास्थित नेपाल–भारत दशगजा क्षेत्रबाट उनलाई पक्राउ गरेको जिल्ला प्रहरी कार्यालय सिरहाले जनाएको छ।

प्रहरी निरीक्षकको कमाण्डमा खटिएको टोलीले विशेष सूचनाका आधारमा उनलाई पक्राउ गरी जिल्ला प्रहरी कार्यालय ल्याएको प्रहरीले जनाएको हो। पक्राउ परेका दासमाथि थप अनुसन्धान भइरहेको जिल्ला प्रहरी कार्यालय सिरहाका सूचना अधिकारी प्रहरी नायब उपरीक्षक रमेशबहादुर पालले जानकारी दिएका छन्।