कोभिड–१९ रेस्पोन्स कार्यक्रम अन्तर्गत लहान नगरपालिकालाई लाखौ मूल्यका सामग्री हस्तान्तरण

जिवछ उदासी÷ फिरोज सिद्धिकी
लहान नगरपालिकामा वाटर एड अन्तर्गत विकन परियोजनाको सहयोगमा लदित जनकल्याण युवा क्लव लहानको सक्रियतामा कोभिड –१९ मा चाहिने आवश्यक स्वास्थ्य सामग्री एक कार्यक्रमको बीच लहान नगरपालिकालाई हस्तान्तरण गरिएको छ ।

हस्तान्तरण कार्यक्रममा नगरप्रमुख मुनि साहले सामग्रीहरु ग्रहण गर्दै विकन परियोजना र दलित जनकल्याण युवा क्लवलाई धन्यवादज्ञापन गर्दै यस परियोजनाबाट लहानको स्वच्छता, सरसफाई र खानेपानीको लागि करोडौको रकम सहयोग भएको जानकारी गराउनुभयो ।

उहाँले भन्नुभयो, परियोजना र क्लवले गरेको सहयोग दीर्घ कालसम्म अविस्मरणीय रहने छ । लहानको १ देखि १० नम्वर वडासम्मका गरीव दलित बस्तीमा शुद्ध खानेपानीको प्रबन्ध,सामुदायिक शौचालय निर्माण विभिन्न चेतनामूलक कार्यक्रम,विद्यालयहरुमा खानेपानीको प्रवन्ध , विधार्थीहरुमा स्वच्छताको लागि विभिन्न बाल क्लव गठन लगायतका उपयोगी कार्यक्रमहरुको जति वर्णन गरेपनि थोरै हुनेछ । अहिले कोभिड –१९ को महामारीको समयमा स्वास्थ्य चौकी,क्वाराइटाइन र विभिन्न सार्वजानिक स्थलहरुमा हात धुने आधुनिक ट्याङकी सेनिटाइजरको व्यवस्थाले लहान नगरपालिकाले लिएको सुन्दर समृद्ध लहान बनाउने उद्येश्यमा सहयोग पुगेको छ ।

दलित जन कल्याण युवा क्लवको अध्यक्ष उमेश विसुन्केले १८ लाख मूल्य बराबरको हाइजिन किट,सावुन,स्यानेटेरीप्याड,वाटर फिल्टर,बाल्टिन,शौचालय सफा गर्ने औषधी लगायतका सामहस्तान्तरण गरिएको जानकारी दिनुभयो ।
हस्तान्तरण कार्यक्रममा कार्यक्रमका संयोजक किरण ढुङगनाले लहान नगरपालिकामा परियोजनाको कार्यक्रम संचालनमा नगरपालिकाबाट सहयोग पाएर सफल हुन गइरहेको बताउनुभयो ।