पानी उद्योगमा लहान नगरपालिकाबाट अनुगमन

जिवछ उदासी ÷ फिरोज सिद्दिकी

लहान,लहान नगरपालिकामा उत्पादित प्रशोधित पानीमा फोहोर भेटिएपछि लहान नगरपालिकाले अनुगमन सुरु गरेको छ ।

लहान नगरपालिकामा आपूर्ति भइरहेको सीता मिनरल वाटर फैक्ट्रीबाट उत्पादित अकाशगंगा पानीको प्याक बोटलमा नै फोहोर र कमिला रहेको भेटिएपछि विहिबार लहान नगरपालिका उपप्रमुख सरियार कुमारी चौधरीको नेतृत्वमा अनुगमन गरिएको हो ।

नगर उपप्रमुख चौधरीका अनुसार अनुगमन गर्दा साँगुरो ठाँउमा पानी उत्पादन भइरहेको, सरसफाइमा कमि रहेको, पानी प्याक गर्नको लागि राखिएको खाली बोतलहरु अव्यवस्थित तरिका जत्र तत्र रहेको पाइको छ ।

उहाँले पानीको गुणस्तरमा कुनै सम्झौता गर्न नमिल्ने भन्दै लहान लहानमा रहेका अन्य पानी उद्योगहरुमा पनि नियमित अनुगमन गरिने विश्वास दिलाउनुभयो ।
लहान नगरपालिका स्वास्थ्य शाखा प्रमुख राम सुन्दर यादवले संकलित पानीको नमूना जाँचको लागि जनकपूर स्थित प्रयोगशालामा पठाउने तयारी भइरहेको जानकारी दिँदै पानीजन्य रोगबाट लाग्ने विभिन्न सरुवा रोगबाट जोगिन पानीको शुद्धिकरणको लागि नगरपालिकाले अनुगमन थाल्नुले राम्रो सन्देस प्रवाह भएको बताउनुभयो ।

लहान नगरपालिकाले विभिन्न पानी फैक्ट्रबिाट उत्पादित पानीको गुणस्तरीय जाँचको लागि गरेको अनुगमन सराहनीय रहेको स्थानीयहरुले बताएका छन् ।