समयमा रिपोर्ट नआउदा क्वाराइटाइनमा रहेका व्यक्तिहरु तनावमा

जिवछ उदासी
लहान,लहान स्थित पशुपति माध्यमिक विद्यालयको क्वाराइनटाइनमा रहेका व्यक्तिहरुको पिसिआर जाँचको लागि लिएको स्वाब परिक्षणको रिपोर्ट समयमा नआँउदा तनाब बढदै जान थालेको बताएका छन् ।

जाँच भएको ७२ घण्टामा रिपोर्ट आइहाल्नुपर्नेमा ९६ घण्टा वितिसक्दा पनि रिपोर्ट नआँउदा तनाव बढिरहेको क्वाराइनटानमा रहेका ४९ जनाले यस्तो बताएका हुन् ।
लहान १७ का राजेन्द्र प्रसाद साह आफू क्वाराइनटाइमा २४ दिनदेखि बसिरहेको भन्दै २० गते नै जाँच गरियो तर अहिले सम्म रिपोर्ट नआँउदा रिपोर्ट कतिखेर आउने तनावमा रहेका छौ ।

वर्षाको समयमा विद्यालयको अगाडिमा रहेको झारपातमा विषालु सर्पहरु यत्रतत्र देखिन्छ । रातभरि निन्दा हुँदैन । एउटै शौचालयमा दिशा पिसाव गर्नु पर्ने बाध्यता छ । आवश्यक भन्दा बढी व्यक्तिहरु क्वाराइनटाइनमा रहेकोले सामाजिक दूरीको पालना भइरहेको छैन । सरसफाई पटक्कै नरहेकोले हामी असुरक्षित भएको लहान ४ का हरिशचन्द्र ठाकुरले बताउनुभयो ।

कतार मलेशिया साउदी अरब र छिमेकी मुलुका दिल्ली र महाराष्ट्रबाट आएका ७४ जना मध्ये महाराष्ट्रबाट आएका १७ जना बरण्डामा नै वर्षाको बेला सुत्नु परिरहेकोले छिटो जाँच गरेर क्वाराइनटाइनबाट निकाल्ने व्यवस्था मिलाई दिन क्वाराइनटाइनका व्यक्तिहरुले हाम्रो आवाज र समस्या सम्वन्धित निकायमा पुरयाई दिन संचारकर्मीहरुसँग आग्रह क्वाराइनटाइनका व्यक्तिहरुले माग गरेका छन् ।

लहान १६ का मोहन बहादुर कार्की र अशोक कार्कीले दुबै दाजुभाई दिल्लीबाट आएको सुनाउदै जाँचको रिपोर्ट नआँउदा २५ गते हुने आमाको बर्खिमा घर जान नपाउने दुखोसो पोख्नुभयो ।

लहान नगरपालिका जन स्वास्थ्य अधिकृत राम सुन्दर यादवका अनुसार जाँचको रिपोर्ट त ७२ घण्टामा नै आउनुपर्ने हो तर कुनै कारणवस अहिलेसम्म नआँउदा हामी माथि सम्पर्क गरेर तागेदा गरिरहेका छौ । रिपोर्ट आउने वित्तिकै नेगेटिभ रिपोर्ट आउनेलाई घर पठाइ दिने र पोजिटिभ हुनेलाई आइसोलेशनमा पठाउने आश्वस्त पारेपछि भुख हडतालमा उत्रिनेहरु खाना खान तगार भएर भुख हडताल तोडेका छन । लिएको स्वाब परिक्षणको लागि गजेन्द्र नारायण अस्पताल राज विराज पठाएको हो ।