‘फोहोरको उचित व्यवस्थापन डम्पिङगसाइटको संचालन नै हो’

जिवछ उदासी
लहान, साउन २८ गते । लहान नगरप्रमुख मुनि साहले फोहोरको उचित वयस्थापनको लागि डम्पिङगसाइटको संचालन नै भरपर्दो विकल्प भएको बताउनु भएको छ ।
लहान नगरपालिकाको नियमित फोहोर उठ्ने गरेको सबैलाई थाहा छ तर लगभग एक महिनादेखि फेरि फोहोर व्यस्थापनमा समस्या उत्पन्न भएको स्पष्ट गर्दै उहाँले भन्नुभयो,लहान ४ मा एक करोडभन्दा बढिको लागतमा निर्माण भएको डम्पिङगसाइटलाई सुन्दर व्यवस्थित बनाउन नगरपालिकाले योजना अघि सारेपछि फोहोर फाल्न अवरुद्ध सृजना भएको छ । विगत १६ महिनादेखि लहान ४ का स्थानीयहरु फोहोर फाल्न नदिएर गरेको अवरुद्धको कारण फोहोर वयवस्थापन चुनौती बन्दै गइरहेको छ । सुख्खा समयमा जसोतसो फलियो तर वर्षातको समयमा ट्याक्टर खुटी र बलान नदिबाट जान नसक्ने भएकोले अहिले समस्या सृजना भएको हो ।यसको दीर्घकालिन सामाधान डम्पिङगसाइटको संचालन नै हो

।
वाटरएडको परियोजना अन्तर्गत आठ करोडको लागतमा फोहोरबाट मोहर कार्यक्रम र फोहोरको उचित व्यस्थापन कार्यक्रमलाई समेत यहि सितेम्बरदेखि संचालनमा आउने भएकोले फोहोर व्यस्थापनमा तगारो खडा नगरी डम्पिङगसाइट संचालनमा आउन दिन नगरप्रमुख साहले सबैमा आग्रह गर्नु भएको छ ।
फोहरमा फोहरी राजनीति नमिसाएर हाम्रो लहान , सुन्दर लहानको पवित्र नारालाई सफल गर्नको लागि डम्पिङगसाइट संचालनमा आउन दिनुपर्ने लहानका स्थानीयहरुले समेत नगरपालिकाको योजना सहि र उचित रहेको निष्कर्षमा पुगेको लहान ४ का शिक्षक अलख नारायण मिश्राले भन्दै कोरोना महामारीको समयमा सरसफाई अति आवश्यक भएको बताउनुभयो ।

लहान ३ का राम सेवक ठाकुर भन्नुहुन्छ,फोहोर नै नफाल्न दिने हठ उचित छैन । लहान जस्तो वयवस्थित डम्पिङगसाइटलाई सचालन नगरेर वर्षाको वेलामा शहरमा फोहोरले दुर्गन्धित बनाउने काम गर्नु हुँदैन । नगरपालिकालाई फोहोर फाल्नमा प्रहरी प्रशासनले अब मुख दर्शक बन्न नहुने र डम्पिङगसाइट संचलालनमा लाग्न जरुरी छ । एकातिर फोहोर फाल्न नदिइने अर्कोतर्फ फोहोर फालेन भनेर विरोध गर्ने दोहोरो चरित्र र फोहरी राजनीति बन्द हुनुपर्ने राम सेवक ठाकुर जस्तै घेरै नगरवासीले बोल्न थालेको छ ।
लहान ४ का वडाध्यक्ष राम नाथ पण्डित सहित स्थानीयहरुले डम्पिङग साइटमा फोहोर फाल्नाले नजिक रहेको वस्तीमा दुर्गन्ध फैलिने र विभिन्न रोग संक्रमण हुन सक्ने संभावनाले फोहोर डम्पिङगसाइटमा फोहोर फाल्न नदिएको बताँउदै आइरहेको छ ।

खुटी र बलानको दोभानमा रहेको ३५ विगहा चटान मध्ये ८ विगहामा डम्पिङगसाइटको रुपमा पुवाधार तयार गर्न नगरपालिकामा जनप्रतिनिधि नभएको वेला सर्वदलीय सहमतिको आधारमा लहान नगरपालिकाको प्रमुख प्रहासकीय प्रमुख महेन्द्र खृेम्याङगको समयमा सहमतिको आधारमा डम्पिङगसाइट निर्माण गरिएको थियो ।