निष्पक्ष पत्रकारितामा जोड दिन नगरप्रमुख साहको आग्रह

जिवछ उदासी
लहान,भदौ ३१ गते । लहान नगरपालिकका नगरप्रमुख मुनि साहले निष्पक्ष पत्रकारितामा जोड दिन आग्रह गर्नु भएको छ । सिरहाको लहानमा प्रेस संगठन सिरहाका पत्रकारहरुलाई प्रेस ज्याकेट हस्तान्तरण गर्दै यस्तो बताउनु भएको हो ।

‘पत्रकारिता समाजको ऐना र सहि सूचना दिने माध्यम भएकोले यसको विश्वश्वनीयतामा प्रश्न नउठ्ने गरी प्रेस संगठन सिरहाको भूमिका हुनुपर्छ’, उहँले भन्नुभयो ।

केहि पत्रकार मित्रहरुले राम्रो कामलाई पनि भ्रम सृजना हुनेगरी समाचार सम्प्रेण गरिदिँदा काम गर्न असजिलो महसुस भएको भन्दै सत्यलाई बङगयाउन नहुनेमा प्रेस संगठन सचेत हुनुपर्ने सुझाव दिनुभयो ।

प्रेस संगठनले चासो देखाएमा लहान नगरपालिका भित्र संगठनको कार्यालय निर्माणको लागि जग्गा उपलब्ध गराउने प्रतिवद्धता समेत प्रमुख साहले व्यक्त गर्नुभयो ।

प्रेस संगठनका केन्द्रिय सदस्य तथा प्रदेश २ का संयोजक हिरालाल चौधरीले पत्रकार महासंघका सदस्यता ग्रहण गरेका पत्रकारहरुले निर्धारित तोकिएकै समयभित्र नविकरण गरी संगठनप्रति इमानदार भएर पत्रकारको धर्म निर्वाह गर्न लाग्नुपर्ने निदेश्न दिँदै संगठन सुदृढीकरणमा समेत सिरहा शाखाले ध्यान दिनुपर्नेमा जोड दिनुभयो ।

अर्का केन्द्रिय सदस्य मणिलाल विश्कर्माले प्रेस संगठनको बैठक नियमित रुपमा बसिरहनुपर्ने,प्रेस संगठनका पत्रकारहरु अन्य संगठनको भन्दा जनताको सहि सूचना समयमा सम्प्रेष्ण गर्न र आफ्नो पत्रकारिताको धर्म पालनामा चु्रक्न नहुने धारणा राख्नुभयो ।

सिरहा प्रेस संगठनका संयोजक राम भरोसी महतोको अध्यक्षतामा बसेको बैठकमा प्रदेश २ का सदस्यहरु क्रमशः अनिरुध ठाकुर,रामा गुप्ताको, नेपाल पत्रकार महासंघ सिरहाका पूर्व सचिवहरु क्रमशः दिनेश देव,देवराज पोखरेल, जिवछ उदासी समेतको उपस्थितिमा सम्पन्न बैठकले संगठन सुदृढिकरणको लागि नियमित बैठक हुनुपर्ने धारणा व्यक्त गरेका थिए ।

प्रेस संगठनका केन्द्रिय सदस्य दिलिप सिंह प्रदेश सदस्य रमा गुप्ता र जिल्ला कार्य समिति सिरहाका सदस्य जिवछ उदासीको पहलमा प्रेस संगठनका ज्याकेट काठमाण्डौबाट ल्याउन लहान नगरपालिकाले सहयोग गरेको संगठनका संयोजक राम भरोसी महतोले बताउनुभयो ।