जिवछ उदासी
लहान, लहान नगरपालिकाले नगरभित्र हुने दैनिकी गतिविधिको साथै समसामयिक राष्ट्रिय तथा अन्तराष्ट्रिय स्तरको जनजीवमा सकारात्मक प्रभाव पार्ने सूचना सम्प्रेषण गर्नको लागि लहानको शहरी क्षेत्र ६ र ७ नम्बर वडामा मल्टिमिडिया सूचना बोर्डको निर्माण कार्यको उदघाटन लहान नगरप्रमुख मुनि साहले गर्नु भएको छ ।
निर्माण कार्यको शुभारम्भ गर्नुहुँदै नगरप्रमुख साहले भन्नुभयो,‘हाम्रो लहान सुन्दर र समृद्ध लहानको लागि लहान नगरपालिकाले दैनिकी विकास ,समृद्धिको र सामाजिक न्यायको लागि गरिरहेको गतिविधि ठूलो एलिडीको माध्यमबाट सहज रुपमा जानकारी पाउन सकून भने उद्येश्यले सूचना बोर्ड राख्न लागिएको हो ।’
विकास र समृद्धि सबैको सहयोग सहमति सहकार्य र एकताबाट मात्रै संभव भएकोले सकारात्मक सोचको साथ सबैले आफ्नो स्तरबाट हातेमालो गरी अघि बढ्न उहाँले सबैमा आग्रह गर्नुभयो ।समृद्धिपथ अनलाइनसंग कुरा गर्दै प्रमुख साहले आफू चुनवमा प्रतिवद्धता व्यक्ति गरेका ९० प्रतिशत काम सम्पन्न गर्नेगरी सबै योजनाहरु अघि बढाइसकेको प्रष्टाउनुभयो ।
उहाँले थप्नुभयो,‘डम्पिंगसाइट सुचारु गर्न र बाटरएडद्वारा संचालित आठ करोडको परियोजना संचालनको लागि लहान ४ का स्थानीयहरुबाट सहयोगको आवश्यक्ता छ । हरेक विकास निर्माणको कार्यमा अवरोध सृजना गर्न सम्य घर्काउने उद्येश्यले आदालतमै जानुपर्ने परिपाटीको अन्तय गरेर समयमै योजनाहरु सम्पन्न गर्न सम्बाद र छलफलको बाटो रोज्नु उपयुक्त हुनेछ ।’
लहानको सामुदायिक विद्यालयहरुको सुधारको लागि पूरानो इतिहास बोकेका नाम चलेका विद्यालयहरुमा दर्जनौ मुद्दाहरु आदालतमा पुगेपछि चाहेर पनि सुधार गर्न नगरपालिकालाई समस्या भइरहेको नगरप्रमुख साहले भन्दै सामुदायिक विद्यालयको सुधारको लागि समेत सकारात्मक भइ सहयोगीको भूमिका खेलिदिन सबैमा आग्रह गर्नुभयो ।
मंसिर २३ गते उच्च अदालत जनकपुरको राजविराज इजलासले सूचना बोर्ड राख्न परेको रीट खारेज भएपछि काम गर्न बाटो खुलेको लहान नगरपालिकाका कानुनी सललाहकार तथा अधिवक्ता प्रमोद कुमार भटराइले जानकारी दिनुभयो ।
विहिबार बोर्डको शुभारम्झ कार्यक्रममा लहान ५,७,९,१०,११ ,१७ र १९ नम्बर वडाका वडाध्यक्ष त्रमशः मो सुलेमान अन्सारी,राकेश रोशन गुप्ता,प्रदिप कुमार चौधरी,राजकुमार साह , प्रथमलाल चौधरी र मो हकिम समेतको उपस्थिति रहेको थियो ।
सूचना बोर्डले लहानको बजार क्षेत्रको विकासमा कोसे ढुंगा सावित भएको लहान ७ को वडाध्यक्ष राकेश रोशन गुप्ताले प्रतिक्रिया दिनुहँदै विकासको काममा सबैले आफ्नो स्तरबाट सहयोग गर्नुपर्ने कुरामा जोड दिनुभयो ।
भ्याट सहित १५ लाख ५३ हजार ७५० रकम लगानीमा बोर्ड निर्माणको लागि फयाबुल्सईन्जिनियरिङग ट्रेडर्स वाफल काठमाण्डौले २०७७ पुष १५ गते काम सम्पन्न गर्ने परियोजनाको बोर्डमा उल्लेख रहेको छ ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A