सातवटै प्रदेशमा बहुआयमिक ग्राम बनाउने मन्त्री श्रेष्ठको प्रतिवद्धता

जिवछ उदासी
लहान । महिला बालबालिका तथा ज्येष्ठ नागरिकमन्त्री लिलानाथ श्रेष्ठले सात वटै प्रदेशमा महिलाहरुलाई आत्मनिर्भर बनाउने उद्येश्यले बहुआयमिक ग्राम बनाउने कार्यक्रम ल्याउन लागेको बताउनु भएको छ । गृह जिल्ला सिरहा गोलबजार आइपुग्नु् भएको मन्त्री श्रेष्ठले पत्रकारहरुसँगको भेटघाट कार्यक्रममा यस्तो बताउनु भएको हो ।

एक महिना २५ दिन मन्त्री पद सम्हालेको छोटोसमयमा मन्त्रालयले गर्ने कामहरुको बारेमा अध्ययन गर्ने काम सकेर महिला बालबालिका र ज्येष्ठ नागरिकको पक्षमा गर्न सक्ने कामहरुको बारेमा विज्ञहरुसँग छmलफलपछि बहुआमिक ग्रामको माध्यमबाट महिलाहरुलाई आत्मनिर्भर बनाउने ज्ञान सीप र प्रविधि सिकाइने कार्यक्रम रहेको जानकारी दिनुभयो ।

महिला हिंसाको तथ्याङक हेर्ने हो भने प्रदेश २ मा हिंसा बढी भएकोले यस प्रदेशमा विशेष कार्यक्रम ल्याउन लागेको मन्त्री श्रेष्ठले प्रष्टयाँउदै भन्नुभयो, ‘सातैवटा प्रदेशमा अन्तरष्ट्रिय स्तरको अपाङगताग्राम सवै प्रदेशमा बहुआयामिक ग्राम र बेद्धाश्रम भवन निर्माणको योजना प्राथमिकतामा रहेको छ । बहुआयिमक ग्राममा महिलाहरुलाई सीप ज्ञान र आत्मनिर्भर बनाउने कार्यक्रमलाई रहेको छ ।’
महिला हिंसामा पहिलो र शिक्षामा कर्णालीपछि दोश्रो स्थानमा रहेको प्रदेश २ को लागि विशेष प्याकेज ल्याउन लागेको छौ,उहाँले भन्नुभयो ।

राष्ट्रिय अन्तराष्ट्रिय गैरसरकारी संस्थाहरुबाट भइरहेको महिला , बालबालिका, अपाङगता र ज्येष्ठ नागरिकको लागि भइरहेको १८ अर्बको विभिध कार्यक्रमहरुलाई समाजकल्याण परिषदबाट एकद्वार प्रणली अन्तर्गत विनियोजित गरी समयमै कार्य सम्पन्न गर्ने गरी मन्त्रालयले तयारी थालेको उहाँले जानकारी दिनुभयो ।

७५३ वटै स्थानीय तहमा महिला , बालबालिका तथा ज्येष्ठ नागरिकको अवस्था बुझ्न सहजकर्ता खटाइाने छ । कुनै पनि बालबालिका शिक्षा र सुरक्षबाट बञ्चित नरहने सरकारको नीतिलाई कार्यन्वयन गर्न योजना अनुसार काम अघि बढाइने छ , उहाँले भन्नुभयो ।

नेकपाको केन्द्रिय सदस्य समेत रहनु भएको मन्त्री श्रेष्ठले नेकपामा भएरहेको विवाद मिलेर पार्टी एक ढिका भएर जनताको हितमा काम गर्ने भन्दै अहिले देखिएको विवाद दुबै अध्यक्षद्वय केपी शर्मा ओली र पुष्पकमल दाहाले मिलेर पार्टी र सरकारलाई बलियो बनाउने विश्वास व्यक्त गर्नुभयो ।

आफू गुटको पक्षपोषण नगरी जनताको पक्षमा काम गर्न मन्त्री पदको मार्यादालाई कायम गरी जनहितको काम गर्न कहिलेपनि पछि नपर्ने दृढता व्यक्त गर्दै पार्टी र सरकारलाई यतिवेला कमजोर बनाउन देशी विदेशी शक्तिहरु लागि परेकोले जिल्ला स्तरीय नेता कार्यकर्ताहरुले समेत पार्टी एकता अक्षुण राख्न शिर्ष नेताहरुलाई खबरदारी गर्न नेकपाका नेता कार्यकर्ताहरुलाई अपिल गर्नुभयो ।

अर्को वर्षसम्म सिरहामा फुसको घर विस्थापित गर्ने गरी सुरक्षित नागरिक आवास कार्यक्रम अन्तर्गत यस वर्ष सिरहा ३ मा १२ सयमा जस्ता पाता राख्न प्रति परिवार ५० हजारको दरले दिइने गरी ६ करोड बजेट विनियोजन भएको बताउनुभयो ।

मधेशको लाइफलाइनको रुपमा रहेको हुलाकी सडक निर्माण आउने असार महिनासम्ममा कमला र बलानमा पुल निर्माणको कार्य सम्पन्न गरी हुलाकी सडक संचालन हुने जानकारी दिदै लगडीगोठ–गोलबजार जोड्ने सडक निर्माण कार्यको शिलान्यसा मंसिर २९ गते हुने कार्यक्रम तय रहेको स्पष्ट गर्नुभयो ।

नेपालभरीमा नै ८० वटा राष्ट्रिय राजमार्गहरु बनामउने कार्यक्रम रहेकोमा त्यसमध्ये चारवटा राष्ट्रियमार्ग सिरहामा नै निर्माण हुन लागेको छ । माडर,चोहर्वा मिर्चैया हुादै मध्य पहाडी मदनभण्डारी मार्गमा जोडने , त्यसैगरी लगडीगोठ गोलबजार ,बन्दीपुर बेलसोत र ठाडी कदमाहा हुदै जाने राजमार्गहरु रहेका छन् । चारवटै राजमार्ग निर्माण भएपछि तराई पहाडको मालसमाना आवत जावततमा सुगमता भइ आर्थिक रुपले सम्पन्नतातर्फ अघि वढने मनत्री श्रेष्ठले दावी गर्नुभयो ।