सरकार ढल्ने संभावना छैन : कानुनमन्त्री श्रेष्ठ

जिवछ यदासी
लहान,नेपाल सरकारका कानुन न्याय तथा संसदीय मामिलामन्त्री तथा नेकपाका केन्द्रिय सदस्य सिरहा इन्चार्ज लिालानाथ श्रेष्ठले वर्तमान सरकार ढल्ने कुनै संभावना नरहेको बताउनु भएको छ ।नेकपा केन्द्रिय सदस्यहरु र सिरहा–१ का उपलब्ध जिल्ला कमिटिका सदस्यहरुलाई लहान नगरपालिकामा आयोजित भेटघाट कार्यक्रमलाई छोटो समयमा सम्बोधन गर्दै यस्तो बताउनु भएको हो ।

देशी विदेशी शक्तिहरु जे राष्ट्रियता, समृद्धि विकासलाई मनराएका छैन तिनिहरु षडयन्त्र गरिरहेका छन् । तर यस्ता खालका षडयन्त्रहरुलाई निस्तृज गरेर हमी अगाडि बढ्दौ र सफल पनि हुनेछौ उहाँले प्रष्टयाउनुभयो ।मन्त्री श्रेष्ठले थप्नुभयो,‘कुनै हालतमा एमसीसी परियोजना पास नहुने भन्दै आइरहनु भएको झलनाथ खनाल अहिले एमसीसी पास गर्न आतुर रहेको भन्नु र प्रचण्डले भारतको लागि कम्फरटेवल सरकार बनाउन लागि परेको अभिव्यक्तिबाट भारत र अमेरिका दुबै देशले सरकार ढाल्न लागि परेपनि संसदीय दलमा बहुमत रहेकोले सरकार ढल्दैन ।’

उहाँले भन्नुभयो, ‘देशी विदेशी शक्तिहरुले अहिले निर्वाचन आयोगलाई घुमाउरो पाराले अनावश्यक दबाब दिइरहेको छ । तर सरकार हरेक देशी विदेशी षडयन्त्रलाईए चिर्दै अघि बढ्ने छ । पाटी र सरकारलाई जोगाउन भ्रम चिर्न जनतालाई सचेत बनाउन लाग्नुपर्ने आवश्यक्ता छ ।’

बलान नदी नियणत्रण गर्न उठाएको जिल्ला कमिटिका सदस्य अशेश्वर यादवको माग र नेपाल राहत शिक्षक केन्द्रिय सदस्य विदुर भट्टराइले राहत शिक्षकहरुको समस्या समाधान गर्न स्थायीको लागि राखेको समस्यालाई समबन्धित मन्त्रालयसँग समन्वय गरेर समाधान गर्ने मन्त्री श्रेष्ठले विश्वास दिलाउनुभयो ।

केन्द्रिय कमिटि सदस्यहरु क्रमशः गंगा प्रसाद यादव, लहान नगरप्रमुख समेत रहनु भएका मुनि साह ,राजेन्द्र चौधरी र राम शंकर यादव, ।रामरति राम,जिल्ला कमिटिका सदस्यहरु इन्द्र नारायण चौधरी, मन्टी कुमार मण्डल, राज कुमार साह,राज कुमार यादव, शिव कुमार तमाङग,गीता चौधरी , देव नारायण साह ,तारणी यादव, भुप नारायण यादव,ग्नालाल यादव लगायतका जिल्ला कमिटिका सदस्यहरु सहभागी रहेका थिए ।