शिक्षक दिवसको अवसरमा चार दर्जन अवकासप्राप्त शिक्षकहरु सम्मानित

जिवछ उदासी
लहान,चैत २३ गते । ४२ औ शिक्षक दिवसको अवसरमा सिरहा जिल्लाका ४८ जना शिक्षकहरुलाई नेपाल राष्ट्रिय शिक्षक संगठन सिरहाले एक कार्यक्रमको आयोजना गरेर दोसल्ला ओढाएर सम्मानित गरेका छन् ।

सम्मनित गर्दै राष्ट्रिय शिक्षक संगठन प्रदेश २ का अध्यक्ष सकल देव यादवले शिक्षण पेसालाई मर्यादित र आत्मनिर्भर बनाउनको लागि पेशालाई प्राथमिकतामा राखेर सामुदायिक विद्यालयहरुलाई सवल र सफल बनाउन लाग्नुपर्ने तर्क गर्नुभयो ।

उहाँले भन्नुभयो,‘शिक्षकहरु आफ्नो पेसा विर्सनु हुँदैन । विद्यालयको समयमा उपस्थित भएर शैक्षणिक गतिविधिमा सक्रिय रहन जरुरी छ । शिक्षण पेसामा गौरवान्वित महसुस गरेर योगदान पुरयाएको अवकास प्राप्त शिक्षकहरुलाई शिक्षक दिवसको अवसरमा सम्मान गरेर राम्रो परम्पराको थालनी गरेको छ ।’

सम्मनित हुन भएको लहान स्थित जनता आधारभूत विद्यालय बैरिया गुँदीगाँउका प्रधानाध्यापक बद्री नारायण चौधरीले अवकासपछि खोजी गरेर पुरयाएको योगदानको चर्चा सहित दोसल्ला ओढाएर सम्मान गरेकोमा आत्मगौरवान्वित महसुस भएको बताउनुभयो ।

सम्मान कार्यक्रममा नयाँ वर्षको शुभकामना मन्तव्य शिक्षक महासंघ सिरहाका अध्यक्ष अनिरुद्रय राय, नेपाल शिक्षक संघ सिरहाका सचिव राज किशोर यादव,अखिल नेपाल राष्ट्रिय शिक्षक संगठनका नेपाली साह , नेपाल राष्ट्रिय शिक्षक संगठन सिरहाका शिवनन्दन यादव, हरि श्रेष्ठले व्यक्त गर्दै राष्ट्रिय शिक्षक संगठनले राम्रो कार्य गरेको प्रशंसा गर्नुभयो । कार्यक्रम नेपाल राष्ट्रिय शिक्षक संगठन सिरहाका अध्यक्षतामा सम्पन्न भएको थियो ।