जिवछ उदासी
लहान, लहान–३ स्थित लक्षमण ललिता कुशवाहा माध्उमिक विद्यालय रघुनाथपुरका विद्यालय व्यवस्था समतिका अध्यक्ष राम नारायण मेहताले पदभार ग्रहण गर्दै सबैको सहयोगमा नमूना विद्यालय बनाउने प्रतिवद्धता व्यक्त गर्नु भएको छ ।
लहान नगरपालिकाकले अस्थायी विद्यालय वयवस्थापन समिति गठन गरी लक्षमण मेहताको अध्यक्षतामा मनोज यादव,अनिसा खातुन,रिना शर्मा र श्याम महतो सदस्य रहने गरी समिति गठन गरेर पत्र पठाएपछि शुक्रबार विद्यालयले आयोजना गरेको पदभार तथा शपथ ग्रहण कार्यक्रममा अध्यक्ष मेहताले यस्तो प्रतिवद्धता व्यक्त गर्नु भएको हो ।
शिक्षक विधाथी आचार संहिता लागु गराउने,त्रैमासिक सिकाइ उपलब्धी , बालमैत्री वातावरण, मासिक रुपमा शिक्षक स्टाफसँग बैठक, सबैको सललाह र सहयोग लिने गरी वृहत्त बैठक र वार्षिक आय व्यय प्रतिवेदन सार्वजानिक गरी नमूना विद्यालय बनाउने प्रतिवद्धता व्यक्त गर्नुभयो ।
कार्यक्रममा प्रमुख अतिथि पूर्व मन्त्री, विद्यालयका दाता तथा पूर्व प्रधानाध्यापक लक्ष्मण मेहताले आफू यस विद्यालयको अवस्था र वयवस्थामा ३०३१ सालदेखि लागि परेको अनुभव साट्दै संस्थाको सर्वोपरि हीत ठानेर व्यक्तिवादी प्रवृतिलाई त्यागेर व्यक्त गरेका सबै प्रतिवद्धता पुरा गर्न समितिलाई शुभकामना दिनुभयो ।
उहाँले भन्नुभयो,‘२०४८ सालदेखि नै सविद्यालयको प्रङगनमा घर बनाएर मुनेश्वर महतोले घर बनाएर समस्या खडा गरेको छ । यस समस्यालाई समेत समाधान गर्न समिति सक्रिय हुन आवश्यक छ । सहमति सहकार्य र एकताको माध्यमबाट विद्यालयको वृहत्तर हितलाई ध्यानमा राखेर समति अघि बढनुपर्छ ।’
पशुपति आदर्श माध्यमिक विद्यालयका पूर्व प्रधानाध्यापक तथा विद्धान विश्वनाथ महतोले गठित नव समितिलाई भौतिक र शैक्षिक वातावरण बनाएर यस विद्यालयलाई नमूना बनाउन शुभकामना व्यक्त गर्नुभयो । प्रतिस्पर्धी जनशक्ति उत्पादन र ज्ञान विज्ञान र प्रविधि शिक्षालाई प्राथमिकतामा राखेर समय सापेक्ष वातावरण बनाएर समति अघि बढनुपर्ने सुझाव उहाँले दिनुभयो ।
कार्यक्रममा पूर्व विद्यालय व्यवस्थापन समितिका अध्यक्ष फुलेश्वर महतो, सदस्य राम सेवक ठाकुर,पत्रकार जिवछ उदासी र पशुपति आदर्श माध्यमिक विद्यालयका शिक्षक अखलेश मिश्रले लहान नगरपालिकाले योग्य सक्षम समिति चयन गरेर पठाएकोमा नगरप्रमुख मुनि साहले स्वागतयोग्य काम गरेको भन्दै समतिको कार्यकाल सफल रहोस भने शुभकामना दिनुभयो ।
विद्यालयका प्रधानाध्यापक शिव शङकर महतोको अध्यक्षतानमा सम्पन्न कार्यक्रममा स्वागत मन्तव्य शिक्षक दिलि पण्डितले गर्नु भएको थियो भने कार्यक्रमको सञ्चालन शिक्षक ओम प्रकाश महतोले गर्नु भएको कार्यक्रममा नव गठित समितिका पदाधिकारी , दाता परिवार लगायत विद्यालयका प्रगतिको लागि योगदान गरेका व्यक्तिहरुलाई खाँदा ओढाएर प्रमुख अतिथि पूर्व मन्त्री मेहताले सम्मान गर्नु भएको थियो ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A