एसपी पाण्डे आएपछि प्रहरी सक्रियता बढ्दै सिरहामा

जिवछ उदासी
लहान नगरपालिकाभित्र केहि महिना यता चलेको डकैतीको शृङखलाको कारण लहान नगरको केहि वडामा भय त्रास नै छाएको थियो । आधा दर्जन भन्दा बढी घट्नाहरु घटेपनि संलगन लुटेराहरु समातिन सकेको थिएन । केहि दिन पहिले सिरहा प्रहरी प्रमुख डिएसपी हिरा वाहादुर पाण्डे आएपछि बढाउन थालेको प्रहरी गस्ती र सक्रियतामा इन्द्रदेव ठाकुरको घरमा डकैतीमा संलग्न हुन सक्ने शंकास्पद तीन जना युवालाई पक्राउ गरेको छ । डकैती गर्न आएका सवै २० देखि ३५ वर्ष भित्रकै नवयुवकहरु रहेको ठाकुरले प्रहरीलाई हुलियाबारे जानकारी गराउनु भएको थियो ।

सिरहामा हाजिरी हुने वित्तिकै एसपी पाण्डेले अपराधीहरु पतालमा लुकेपनि खोजेर पक्रिने जिल्लावासीलाई शान्ती सुरक्षाको प्रत्याभूति दिलाउन कुनै कसरत बाँकी नराख्ने समृद्धिपथसँग कुरा गर्दै दृढता व्यक्त गर्नु भएको थियो । जिल्लामा शान्ति सुरक्षा कायम गराउन नसकेको जन गुनसो बढेपछि तत्कालिन जिल्ला प्रहरी प्रमुख एसपी सुदिपराज भण्डारीको सरुवा गरी गृहमन्त्रालयले पाण्डेलाई सिरहा सरुवा गरि पठाएको छ ।

यता इलाका प्रहरी कार्यालय लहानका प्रमुख डिएसपी डा. तपन दाहालले विभिन्न डकैतीका घट्नामा संलग्नहरुलाई समात्न सकिन्न भने म लहान छाडेर जानेछु तर नगरवासीहरुले धैर्य संयमताको साथै सहि सूचना प्रहरीलाई समयमा नै उपलब्ध हुनुपर्ने एक सार्वजानिक कार्यक्रममा भन्नु भएको थियो । उहाँले भनेकै अनुसार सक्रियता देखाउन थाल्नु भएको यतिवेला लहानवासीले महसुस गर्न थालेका छन् ।

गएको बैशाख २८ गते राती दुई बजेतिर लहान–१ इन्द्रदेव ठाकुरको घरमा हतियार सहित आठ जनाको समूहमा आएका लुटेराहरुले जमिन विक्री गरेर घरमै राखेको ६ लाख नगद र सुन चाँदी सहित आठ लाख लुटेर भाग्न सफल भएका थिए ।
घट्नामा संलग्न हुन सक्ने शंकास्पद तीन जनालाई लहान नगरपालिका १ मटियर्वाबाट नियाणत्रणमा लिएको इलाका प्रहरी लहानले जनाएको छ । पक्राउ पर्नेमा २५ वर्षका करण पुर्वे,२२ वर्षिय संजय कुमार पुर्वे,र २४ वर्षका धमेन्द्र पुर्वे रहेका छन् । तीनै जनालाई इलाका प्रहरी कार्यालयमा राखी अनुसन्धान भइरहेको प्रहरीले जनाएको छ ।

जेठ ८ गते इलाका प्रहरी कार्यालय लहानबाट खटेका प्रहरीले करण पुर्वेको घर खनतलासी गर्दा एक कटु्वा पेस्तोल र त्यसमा प्रयोग हुने ७.६२ एमएम ९६ लेखेको गोली समेत बरामद भएको थियो ।

दुई महिनामा लहान–१ स्थित अशोक होटेलवालाको घरमा चोरी , लहान–२ मिलन चोक स्थित सविता किराना पसलमा आठ लखको डकैती, लहान –२३का वडाअध्यक्ष कन्हैया प्रसाद गुप्ताको घरमा भाडामा रहेको सुन चाँदी व्यवसायी प्रदिप विश्वकर्माको हत्या र लाखौ मूल्यका सून चाँदी लिएर भाग्न सफल , लहान–७ स्थित महालक्ष्मी ज्वेलर्सका सञ्चालक राजेश शारडाको घरमा दिन दहाडै डकैती भएको थियो ।

 

सिरहा प्रहरी प्रमुख एसपी पाण्डे २०७४ सालमा इलाका प्रहरी कार्यालय लहानमा डिएसपी भएर काम गरिसक्नु भएकोले उहाँलाई जिल्लाबारे राम्रो अध्ययन रहेको धेरैले बताएका छन् ।