डेंगु रोग नियणत्रण सम्बन्धी अभिमुखीकरण सम्पन्न

जिवछ उदासी
लहान,लहान नगरपालिका स्वास्थ्य शाखाले डेंगु रोग नियणत्रण सम्बन्धी सरोकारवालाहरुसँग एक दिवसीय अभिमुखिकरण सम्पन्न भएको छ । रोग फैलिन नदिन जन चेतनाको लागि पत्रकारहरुसँग अभिमुखीकरण गरिएको हो ।

पत्रकारहरुसँग भएको अभिमुखीकरणमा लहान नगरपालिका जन स्वास्थ्य अधिकृत राम सुन्दर यादवले सरुवा रोग सम्बनधी जानकारी गराउनुको साथै डेंगु रोग फैलिने समय सुरु भैसकेको र नोभेम्बरसम्म फैलिने गरेकोले डेंगु फैलाउने लामखुट्टेले सफा पानी रहेको कालो टायर, पलाष्टिकको फलिएको गिलास,गमला रङगका डिवाहरुमा रहेको ५ मिलिलिटर पानीमा समेत फुल पार्ने गरेको जानकारी दिनुभयो ।

डेंगु फैलिसकेपछि यसको नियणत्रण गर्न निकै ग्राहो हुने भएकोले यसलाई फैलिन नदिन सचेत हुनु नै रोगबाट बाँच्ने उपाय भएको जानकारी दिँदै स्वास्थ्य शाखाका अर्का जन स्वास्थ्य अधिकृत चन्देश्वर यादवले जानकारी दिँदै दोस्रो डेंगु फैलाउने लामखुट्टेले टोक्दा बढी खतरनाक हुने गरेको बताउनुभयो ।

डेंगु लागेपछि १०३ भन्दा बढी ज्वरो आउने,टाउको बढी दुख्ने,ढाडका जोर्नी दुखने र शररिमा विमिरा आउने गरेको लक्षण देखिएका चिकित्सकको सल्लाहमा मात्रै औषधीको सेवन गर्नुपर्ने । पारासिटामोल खाएमा बढी पानी खानुको साथै पोष्टिक आहार खाइरहनुपर्ने उहाँहरुले सल्लाह दिनुभयो ।

सन् २००४ मा एक जना विदेशीबाट नेपालमा डेंगुको रोगी भेटिएको थियो भने सन् २००७ मा देशैभरमिा ९०० जना विरामीहरु मध्ये ७३९ जना चितवन जिल्लामा भेटिएको थियो । जुनसुकै उमेरका मानिसहरुलाई डेंगु रोग लाग्न सक्ने जन स्वास्थ्य अधिकृत राम सुन्दर यादवले जानकारी गराँउदै पानी परेको वेलामा बढी डेंगु फैलिन्छ भने जाडोमा कम हुन्छ ।

डेंगु रोगबाट शहरी क्षेत्रका मानिसहरु बढी संक्रमित हुन सक्ने देखिएकोले आफ्नो वरिपरिको वातावरणलाई स्वच्छ राखनुको साथै सफा पानी जम्ने टायर गमला लगायतका भाडो डिवाहरमा पानी जम्न नदिन अर्का जन स्वास्थ्य अधिकृत चन्देश्वर यादवले ध्यानआकर्षण गराउनुभयो ।