पारिवारिक कलह सुल्झाउन चाहन्छौ : सुरुज यादव

जिवछ उदासी
भगवानपुर गाँउपालिकाका–१ भगवानपुरका सुरुज यादवले पारिवारिक कलहलाई सुल्झाउन चाहेको बताउनु भएको छ । कलह सुल्झाउन पत्रकारहरुले सत्य तथ्य लेखेर सहयोग गरि दिन पनि आग्रह गर्नु भएको छ ।

लहान स्थित सरगम रेडियोमा आयोजित पत्रकार सम्मेलनमा यादवले यस्तो आग्रह गर्नभयो । उहाँले भन्नुभयो,मेरो पिता गौरी शङकर यादव, जय प्रकाश यादवको पिता शिब शङकर यादव र राम शङकर यादव तीन दाजुभाई पारिवारिका कलह हटाउन पटक–पटक समाजमा बस्न खोजेपनि जय भाई जय प्रकाश यादव समाजमा बस्न नमानेर निहुँ खोज्ने काम गरिरहेको छ । कान्छो काका रामशङकर यादव (नेताजी) लाई बदनामी गराउन उक्साहटमा परेर यस्तो गरिरहेकोले यस समस्यालाई सुल्झाउन हाम्रो प्रयास अहिले पनि जारी छ ।

‘केहि दिन पहिले यहि सरगम एफएमको कार्यालयमा पत्रकार सम्मेलन गरेर भाई जय प्रकाश यादवले पिता शिव शङकर यादवलाई समेत हातपात गरेको भने लगाएको आरोप र नाटक मात्रै हो भएको सुरुज यादवले भन्दै सत्य तथ्य पत्रकारहरुले गाँउमै आएर गाँउका भरभलादमीहरुसँग बुझेर पारिवारिक समस्यालाई नतन्काई समाधानउन्मुख वातावरण बनाई दिन उहाँले आग्रह गर्नुभयो ।

तीनै दाजुभाइको नाममा सगोलमा नै जग्गा जमीन रहेको छ । बढी जग्गा काका शिबशङकर यादवकै नाँउमा छ । काका शिबशङकरले किम्ती जग्गा विक्री समेत गरि सक्नु भएको छ । बाँकी रहेको जग्गा अंशवण्डा गराउन हामी तयार छौ । यसको लागि गाँउमा बैठकको लागि निर्धारित गरेको समय थियो यहि भदौ २ गते । भदौ २ गते बस्न भाई जय प्रकाशले नमानेपछि ४गतेको लागि समय लियौ । आठ बजे बस्ने बेलामा जय प्रकाश बाहिरजान खोजेपछि मोटर सायकलको साँचो खोसेर बैठकमा बसौ भन्दा आफूलाई मारपटि गरेको गलत प्रचार गरिरहेको छ ’ ,सुरुज यादवले भन्नुभयो ।

हिस्सा फाँट दिन मानिरहेको छैन । केहि बोल्दा मारपिट गर्ने गरेको र किम्ती जग्गा हिस्साफाँट नदिन चाहेको जय प्रकाशले लगाएको आरोपमा के भन्नुहुन्छ ? भने प्रश्नको जवाफमा सुरुज यादवले भन्नुभयो,‘आरोपहरु सबै निराधार हुन । भाइ जय प्रकाशले इच्छाएको पञ्चहरु नै ल्याउन तर सामाजमा बसेर पारिवारिक कलह सुल्झाउन तयार होउन । सामाजमा बस्न तयार भएपछि पत्रकारहरु समेत सहभागी भएर सत्य तथ्य बुझि दिनुस मेरो आग्रह छ ।’काका राम शङकर यादव नेता जी को पनि चाहना पारिवारिक कलह बल्झाएर कसैले राजनीति फाइदा लिनु हुँदैन भने नै रहेको उहाँले प्रष्टयाउनुभयो ।