२७ गते नेपाली काँग्रेसको वडा अधिवेशन निश्चित : सभापति यादव

जिवछ उदासी

लहान । नेपाली काँग्रेस सिरहाको वडा अधिवेशन कातिक २७ गते नै हुने निश्चत भएको नेपाली काँग्रेस सिरहाले जनाएको छ । समृद्धिपथ अनलाइनसँग कुरा गर्दै नेपाली काँग्रेसका सभापति रामचन्द्र यादवले बताउनु भएको हो ।

उहाँको अनुसार अब तिथि तलमाथि हुँदैन । तोकिएको कातिक २७ गते नै सिरहाका १७ वटै पालिकाको १६५ वटै वडामा वडा अधिवेशन हुन गइरहेको छ ।

यता नेकपा एमालेले केन्द्रीय महाधिवेशनको लागि २७ गते कातिक नै प्रतिनिधि चयन गर्न लागेको कार्यक्रम तय गिरएको नेकपा एमाले सिरहा अध्यक्ष चन्देश्वर मण्डलले जानकारी दिनुभयो ।

आउने स्थानीय निर्वाचनलाई ध्यानमा राखेर नेकपा एमाले, नेपाली काँग्रेस, जनता समाजवादी पार्टी, नेकपा माओवादी र नेकपा एकिकृत समाजवादीले जन सम्पर्क बढाउनुको साथै चुनाव केन्द्रित गतिविधिहरु तीब्र पारेका छन् ।

सिरहाको १७ मध्ये चार नगरपालिका र दुई गाउपालिकामा नेकपा माओवादी जित हासिल गरेको छ भने एक नगरपालिका र चार गाउपालिकनमा जनता समाजवादी, दुई नगरपालिका र एक गाउपालिकामा नेकपा एमाले, एक नगरपालिका र एक गाउपालिकामा नेपाली काँग्रेस र एक गाँउपालिकामा नेकपा एकीकत  समाजवादी जितेको छ ।