एमाले झन् सशक्त हुँदैछ : लिलानाथ श्रेष्ठ

जिवछ उदासी 

लहान । नेकपा एमालेको केन्द्रीय सदस्य  प्रदेश २ का सह-इन्चार्ज  तथा सिरहा -३ का सांसद  लिलानाथ श्रेष्ठले  प्रदेश -२ मा  एमाले सशक्त हँदै गएको बताउनु  भएको छ ।

प्रदेश-२ को समृद्धि र विकास एमाले बाहेक अर्को कुनै दलले गर्न नसक्ने प्रदेश-२ का जनताले बुझिसकेकोले आउने चुनावमा प्रदेश-२ को तीनै तहमा एमाले पहिलो दल हुने उहाँले दावी गर्नुभयो ।

हुलाकी सडक निर्माण, कोशी-कमला डाइभर्सन, राष्ट्रिय राजमार्गलाई चार लेन बनाउने, निजगढमा अन्तराष्ट्रिय स्तरको विमान स्थल, गाँउगाँउमा सडक सञ्जाल, कषि, शिक्षा, स्वास्थ्य, दलित गरीवहरुको वस्ती निर्माणको कार्य केपी ओली नेतृत्वको  सरकारले  गरेकोले जनताको रोजाई नेकपा एमाले भएको छ ।

सुरुसुरुमा  फुटकोपछि लागेका नेता कार्यकर्ताहरु  मुल घर  एमालेमा फर्किने लहर नै चलेको बताउदै चुनावसम्ममा सबै सुर्य चिन्ह नै रोज्ने निश्चित छ । दशौ महाधिवेशन सकिएपछि एमाले झन् शक्तिशाली भएर आउने नेता श्रेष्ठले बताउनुभयो ।

भ्रष्टाचारको अन्तय र सुशासनको प्रत्याभूति विकासको लहर र राष्ट्रियताको लागि अडान लिने पार्टी नेकपा एमाले मात्रै  रहेको भन्दै प्रदेश-२ का जनताले यस प्रदेशको कृषि पर्यटन शिक्षा, सुशासन, सुवास्थय र सामाजिक न्यायको लागि  एमालेमा समाहित भइरहेको  उहाँले जिकिर गर्नुभयो ।