महाधिवेशनको लागि सर्वसम्मत प्रतिनिधि चयन गर्नुपर्ने : नेता श्रेष्ठ

जिवछ उदासी

सिरहा । दशौं महाधिवेशमा सिरहनबाट चयन गर्नुपर्ने प्रतिनिधिहरु सर्वसम्मत रुपमा हुने नेकपा एमालेको केन्द्रीय सदस्य तथा प्रदेश-२ का सह इन्चार्ज लिलानाथ श्रेष्ठले  बताउनु भएको छ ।

सर्वसम्मतिबनट वडा,  गाउपालिका र नगरपालिका पालिका कमिटिहरु गठन भएको छ । आन्तरिक एकता र पार्टीभित्र गुट उप गुट नहोस त्यसको लागि हरेक तहको कमिटमा सर्वसम्मतिबाट गर्ने नीति अनुसार सिरहा जिल्लाबाट केन्द्रीय  प्रतिनिधि चयन हुने विश्वास व्यक्त गर्नुभयो ।

सिरहाको १६४ वटै वडाबाट एक वस अनिवार्य जाने र ८ हजार मास महाधिवेशनमा  सहभागी  गराउन सबै तह तप्काका नेता कार्यकर्ताहरु तयारीमा लागि सकेको बताउनुभयो । कातिक २९ गते  प्रतिनिधि चयनको लागि क्षेत्र न १ को लागि लहान, क्षेत्र न २ का लागि सुखीपुर, ३ नम्बरको लागि चोहर्वा र ४ नम्बरको लागि मिर्चैया  केन्द्र तोकिएको छ ।

सिरहामा ४३७३ संगठित सदस्य रहेको जिल्ला अध्यक्ष चन्देश्वर मण्डलले जानकारी दिँदै सिरहा १ बाट ३ जना र सिरहन २ मा ४ जना सिरहा ३ मा ४ जना र सिरहा ४ मा २ जना गरी १४ जना प्रतिनिधि चयन हुने जानकारी दिनुभयो |५ सय दलित  संगठन सदस्यहरुबाट १ जना र  ४ वटै क्षेत्रबाट एक एक जना महाला अनिवार्य गरिएको छ ।