नेकपा एसतर्फ सनाखत गरेका दुई जनप्रतिनिधिहरु फर्किए एमालेमा

जिवछ उदासी
कर्जन्हा नगरपालिका वडा नम्बर ३ वडा सदस्यहरु अमृति देवी सदा र धना देवी मुखिया नेकपा एमालेमा फर्केका छन् । नेकपा एमालेबाट फुटेर नेकपा एकिकृत समाजवादी पार्टी गठन भएपछि दुवै जना नेकपा एसतर्फ सनाखत गरेकी थिइन ।

कर्जन्हा नगरपालिक वडा नम्बर ३ को वडा अधिवेशनमा कातिक २७ गते शनिबार उहाँहरु आफ््नै पुरानो घर एमालेकमा फर्केको बताउनुभयो । ‘जहाँ सूर्य चिन्ह हुन्छ, त्यहि रहने नेकपा एमाले नै कम्युनिष्ट आन्दोलनको मूल प्रवाह भएकोले केहि नेताहरुको लहैलहैमा नेकपा एसतिर लागेका थियौ । अब कहिले पनि एमाले नछाड्ने गरी आफ्नै घर फर्केका छौ’, वडा सदस्यहरु सदा र मुखियाले बताउनुभयो ।

कर्जन्हा नगरपालिकाका नेकपा एमाले इन्चार्ज भोला पोखरेलले भन्नुभयो, ‘विस्तारै विस्तारै भ्रमहरु हट्दै गएको छ । एमालेबाट एस भएकाहरु मात्रै होइन, नेकपा माओवादी छाडेर नेता कार्यकर्ता र जनाताहरुसमेत कर्जन्हामा एमालेतर्फ लाग्ने क्रम बढेको छ ।’

कर्जन्हा नगरपालिकाको वडा नम्बर ३ मा झिनो मतले एमालेको वडा अध्यक्षको प्रत्यासी प्रकाश कोइराला पराजित भएपनि ४ जना वडा सदस्यहरु एमालेबाट नै विजय भएका थिए ।
सिरहा–४ कमला भेगका क्षेत्र बामपन्थीहरुको बलियो पकड मानिएको यस क्षेत्रमा माओवादीको प्रभाव देखिएपनि माओवादीले नेपाली काँग्रेससँग गठबन्धन गरेको कारण्ले त्यस भेगका बामपन्थीहरु एमालेतर्फ धमाधम फर्किन थालेका छन् ।