क्षेत्र नम्बर २ मा सर्वसम्मत प्रतिनिधि चयन बाँकीमा आज हुँदैं

जिवछ उदासी
लहान, कातिक २९ गते । आसन्न नेकपा एमालेको १०औ महाधिवेशनको लागि सिरहाको क्षेत्र नम्वर २ मा सर्वसम्मत रुपमा आइतबार प्रतिनिधि चयन भएको छ भने बाँकी रहेको तीन क्षेत्रमा आज सोमबार सर्वसम्मत रुपमा प्रतिनिधि चयन गरिने नेकपा एमाले सिरहाले जनाएको छ ।

आइतबार क्षेत्र नम्बर २ सुखीपुरमा सम्पन्न भेलाबाट नरेन्द्रराज पोखरेल,रामऔतार यादव, रामेश्वर साह र निर्मला बास्तोला सर्वसम्मत रुपमा प्रतिनिधिको रुपमा चयन भएको नेकपा एमाले जिल्ला अध्यक्ष चन्देश्वर मण्डलले जानकारी दिनुभयो ।पोखरेल सिरहा २ बाट निर्वाचित हुनु भएको पूर्व सांसाद र हाल प्रदेश कमिटि सदस्य , यादव सुखीपुर नगरपालिका प्रमुख र प्रदेश कमिटि सदस्य ,साह प्रदेश कमिटि सदस्य र बास्तोला जिल्ला कमिटि सचिवालय सदस्य हुनुहुन्छ ।

उहाँको अनुसार सिरहा ,१ लहानमा , सिरहा ३ को चोहर्वामा र सिरहा ४ नम्बर क्षेत्रको मिर्चैयामा सोमबार ११ बजेदेखि प्रतिनिधि चयन हुने कार्यक्रम रहेको छ । सिरहामा ४३७३ प्रतिनिधिबाट जिल्लामा १४ जना प्रतिनिधि चयन हुने भएको छ । यसैगरी दलित संगठित सदस्यहरुबाट प्रदेशकमिटि सदस्य रामपृत राम र राम स्वरुप सदाय सर्वसम्मत रुपमा चयन हुनु भएको छ । बाँकी ३ क्षेत्रमा पनि सर्वसम्मत रुपमा प्रतिनिधि चयनको लागि गृहकार्य भैसकेको बताएको छ ।

सिरहा –१ मा सर्वसम्मत रुपमा प्रतिनिधि चयन गर्नको लागि सल्लाहकार समितिका सदस्य तथा प्रदेशसभा माननीय लगनलाल चौधरी केस तथा सिरहा इन्चार्ज गंगा प्रसाद यादवलाई जिम्मेबारी तोकेको सिरहा –१ का इन्चार्ज विष्णुलाल साहले जानकारी दिनुभयो ।