नेकपा माओवादी लहान नगर अध्यक्षमा हेमन्त यादव निर्वाचित

जिवछ उदासी
लहान,पुस २ गते । नेकपा माओवादी केन्द्र लहान नगर अध्यक्षको लागि सम्पन्न निर्वाचनबाट ७ मतले निर्वाचित हुनु भएको छ । नेकपा माओवादीमा निर्वाचनबाटै नगर अध्यक्ष चुनिएको पहिलो पटक हो । यसभन्दा अघि सहमतिकै आधारमा समिति चुनिदै आएको थियो ।

लहान–१ स्थित गोपाल सेवा समितिमा सम्पन्न निर्वाचन परिणाम अनुसार अध्यक्षमा हेमन्त कुमार यादवले एक सय मत र प्रच्यासी रहनु भएको विजय गुप्ताले ९३ मत प्राप्त गरेको निर्वाचन अधिकृत धनराज रामले जानकारी दिनुभयो ।
केहि दिन अघि गोपाल सेवा समितिमा सम्पन्न उद्घाटन सत्रबाट कमिटि चयन गर्न समझदारी गरेर नै अघि बढ्ने समय समाप्त भएपछि निर्वाचन गरेर नै अध्यक्ष चयन गरिएको हो । अध्यक्षको लागि हेमन्त कुमार यादव, विजय गुप्ता र देव नारायण महतोले दावी गर्दै आएपनि निर्वाचनमा यादव र गुप्ताविच प्रतिस्पर्धा भएको थियो ।
को हुन हेमन्त कुमार यादव ?

लहान नगरपालिका २१ नम्बर वडाका वडाध्यक्ष रहनु भएको यादव लहान स्थित जेएस मुरारका क्याम्पसमा अध्धयनरत रहँदा नेपाल विधार्थी संघबाट स्ववियु सदस्य समेत हुनु भएको थियो । दोस्रो संविधान सभामा नेपाली काँग्रेस परित्याग गरेर नेकपा माओवादी प्रवेश गर्नु भएको यादव शिक्षामा स्नाकोत्तर गर्नु भएको छ । कमै उमेरमा वडाध्यक्ष समेत हुन सफल यादव माओवादी केन्द्रको लहान नगर अध्यक्षमा विजय हुनुले राजनीतिमा उहाँको लागि दोस्रो सफलता हात लागेको छ ।