मन्त्री यादवको बर्खास्तीको माग गर्दै युवाद्धारा प्रदर्शन

 

जिवछ उदासी 

लहान माघ ९ गते । राष्ट्रिय युवा संघ नेपाल सिरहाले भौतिक निर्माण तथा यातायात मन्त्री रेणु यादवको बर्खास्तीको माग गर्दै धनगडीमाइ नगरपालिकामा प्रर्दशन गरेको छ । 

बलिदानी दिवसको अवसरमा गौरमा आयोजित सभामा गौर घट्ना फेरि दोहोरिने मन्त्री यादवको आपति मन्त्री पदको लागि अशोभनीय र अ‌मर्यादित अभिव्यक्ति कानुन र संविधान विपरित भएकोले प्रधानमन्त्री शेर बहादुर देउवाले तुरुन्त बर्खास्त गर्नुपर्ने युवासंघ सिरहाका संयोजक जय प्रकाश ठाकुरले प्रदर्शनको अगुवाई गर्दै माग गर्नुभयो । 

पेट्रोलियम पदार्थ गरिएको मूल्य वृद्धि फिर्ता लिनुपर्ने र स्थानीय चुनाव कुनै पनि बहानामा सार्न नहुने युवा संघले अहिले सरकारलाई सचेत गराउन प्रदर्शन मात्रै गरेको संयोजक ठाकुरले भन्दै सरकारले युवा संघको मागलाई वेवास्ता गरे निर्णायक आन्दोलन गर्ने चेतावनी दिनुभयो |