माग पुरा नभए देशै ठप्प गर्ने युवा संघको चेतावनी

 

जिवछ उदासी 

लहान,माघ १५ गते । राष्ट्रिय युवा संघका केन्द्रीय सदस्य तथा मधेस प्रदेशका सह इन्चार्ज बैधनाथ साहले हाम्रो माग परमादेशबाट आएको गठबन५ सरकारले सात दिनभित्र पुरा नगरे देशै ठप्प हुने आन्दोलन गर्ने चेतावनी दिनु भएको छ । 

युवा संघ सिरहाले गोलबजारमा शनिबार वृहत्त प्रदर्शनपछि आयोजित कोणसभालाई प्रमुख अतिथिको रुपमा सम्बोधन गर्दै यस्तो चेतावनी दिनु भएको हो । 

गोलबजार परिक्रमाको क्रममा बलिदानी दिवसको अवसरमा संघीय सरकारको भौतिक निर्माण तथा यातायात मन्त्री रेणु यादवले मन्त्री पदको मर्यादा बिर्सेर हिंसा भडकाउने अभिव्यक्ति दिनु भएकोले उहाँको बर्खास्त हुनुपर्ने,स्थानीय निर्वाचनको मिति घोषणा, पेट्रोलियम पदार्थको मूल्य खारेज, किसानलाई मलखाद्य सहज रुपमा उपलब्ध भ्रष्टाचार बन्द हुनुपर्ने, लिपुलेक, लिम्पियाधुरा र कालापानी को भूभाग फिर्ता हुनुपर्ने माग सहितको प्लेकार्ड सहित प्रदर्शन गरेका थिए । 

प्रदर्शन अगाडि कोभिड १९ का बिरामीहरुलाई चाहिने रगत जुटाउन दर्जनौ युवाहरुले नेपाल रेडक्रस सोसाइटी धनुषा शाखालाई रक्तदान समेत गरेका थिए । 

प्रदर्शनको आयोजना राष्ट्रिय युवा संघ सिरहाका संयोजक जय प्रकाश शर्मा मधेस प्रदेशको सचिव इन्द्रेस राउत केन्द्रीय सदस्य शोभा बरालले गर्नु भएको थियो । 

कोणसभा सकिए लगतै प्रधानमन्त्री शेर बहादुर देउवा र मन्त्री रेणु यादवको पुत्ला समेत जलाउन भ्याएको कार्यक्रममा चार सय युवाहरुको सहभागिता रहेको थियो ।