फिल्मी शैलीमा घटेको घट्नाको छानबिन होस् : वडाध्यक्ष अन्सारी

 

जीबछ उदासी 

लहान,माघ २६ गते । लहान नगरपालिका वडा नम्बर -५ को वडा कार्यालयमा १९ वर्षको एक युवकले घटाएको घट्नाको निष्पक्ष छानविन हुनु पर्ने वडा अध्यक्ष सुलेमान अन्सारीले माग गरेको छ ।

बुधबार विहान १०:०५ बजे लहान ५ का १९ वर्षिय युवक मो नासादले टाउको फुटेको अवस्थामा वडा कार्यालयमा प्रवेश गरे । वडा अध्यक्ष बसेको कुर्सी पल्टाई कार्यालयका कागजातहरु फालेर गाली गलौज गरी निस्केर इलाका प्रहरी कार्यालय लहानमा पुगे । कार्यालय सचिव कृष्ण मोहन साह र कार्यालय सहयोगी राजा मेस्तरले पिटेको आरोप लगाएको वडा अध्यक्ष मो सुलेमान अन्सारीले जानकारी दिनुभयो ।  

टाउको फुटेको नासाद वडा कार्यालय पुग्नुभन्दा अगाडि नयाँ बजारमा आमासँगै केहिबेर आमा छोराबीच केहिबेर विवाद भएको थियो । विवादपछि साइकल पसलमा चक्कु मागे । चक्कु साइकल पसलेले नदिएपछि ईँटाले आफै हानेर फोरेर वडा कार्यालयमा पुगेको नासादको काका समिरुलले बताए । 

 कार्यालयमा दुई पटक प्रवेश गरेको वडा कार्यालयको सिसिटिभीमा फोटो सुरक्षित रहेको छ । वडा कार्यालयमा घट्ना घटाएको नासादले लागु औषधको रुपमा सुई लिएको अबस्थामा यस्तो फिल्मी शैलीमा घट्ना घटाएको स्थानीयहरू बताउछन् । 

आफ्नो टाउको आफै फोर्ने नासाद वडा कार्यालयका सचिव साह र कार्यालय सहयोगी राजा मेस्तरलाई फसाउन नयाँ बजारका केहि व्यक्तिहरुले उचालेकोले यसको निष्पक्ष छानबिन हुनुपर्ने स्थानीय हरुको माग रहेको छ । 

घट्नाबारे इलाका प्रहरी कार्यालय लहानका डिएसपी डा तपन दाहालले घट्नाबारे सत्यतथ्य छानविन गरेर कारवाही गर्ने बताउनुभयो ।