सदन खुल्ला भएपछि मात्रै एमसीसीबारे सोच्न सकिन्छ: नेता श्रेष्ठ

 

जीवछ उदासी 

लहान,फागुन १२ गते । नेकपा एमालेको पोलिटब्युरो सदस्य मधेस प्रदेशको सह इन्चार्ज सिरहा -३ का सांसद लिलानाथ श्रेष्ठले सदन खुल्ला भएपछि मात्रै एमसीसीबारे सोच्न सकिने बताउनु भएको छ ।

फागुन १८ गते हुने प्रेस चौतारी सिरहाको जिल्ला अधिवेशनबरे आयोजित छलफलमा गृहनगर गोलबजार स्थित आफ्नो निवासमा यस्तो बताउनु भएको हो ।

एमालेले कारबाही गरेको १४ जना संसदलाई हटाउन सभामुखले सूचना टाँस नगरेसम्म एमालेले केहि सोच्न नसकिने उहाँले बताउनुभयो ।

नेता श्रेष्ठले भन्नुभयो,'प्रभु साह टोप बहादुर रायमाझी,लेखराज भट्ट र गौरी शंकर थारुलाई सांसद पदबाट हटाउन हतार गर्नु भएको सभामुख माधब नेपाल सहित १४ जना संसदलाई हटाउन किन आलटाल गर्नु भएको छ ? यो गम्भीर विषय टुंगो नलागेसम्म एमालेले अन्य बिषय धारणा बनाउँदैन ।'

देशैभरिका एमालेप्रति जनलहर चलेकै छ त्यसमा मधेस प्रदेशमा निकै बलियो अवस्थामा पुगेको नेता श्रेष्ठले  दाबी गर्नुभयो ।