अर्लि इलेक्शनको नाँउमा स्थानीय चुनाव टार्ने काम नहोस् : पूर्व मन्त्री श्रेष्ठ

जीबछ उदासी
लहान, फगुन २३ गते । नेकपा एमालेका पोलिट्ब्युरो सदस्य तथा मधेस प्रदेशका इन्चार्ज पूर्व कानून मन्त्री लिलानाथ श्रेष्ठले अर्लि इलेक्शनको नाँउमा स्थानीय चुनाव टार्न नहुने बताउनु भएको छ । नेकपा एमालेको प्रथम कल्याणपुर नगरपालिकाको अधिवेशनलाई प्रमुख अतिथिको रुपमा सम्बोधन गर्दै यस्तो बताउनु भएको हो ।

‘पाँच दलीय परमादेशी सरकार स्थानीय चुनावबाट भाग्न अर्लि इलेक्शनको वाहानामा टार्न खोजिरहेको छ । गठबन्धन दलहरु एमालेबाट पराजित हुने भयले दिनहुँ षडयन्त्रको तानाबुना बुनिरहेको छ ।’, उहाँले बताउनुभयो ।

२०५१ सालमा मनमोहन अधिकारीको नेतृत्वमा सरकार बनेपछि विकासको ढोका खुलेको स्मरण गराउनु हुँदै नेता श्रेष्ठले भन्नुभयो, समृद्ध नेपा खुसी नेपालको नारा तय गरेर राष्ट्रियता र समृद्धिको आकांक्षा पुरा गर्न काम गरिेको दावी गर्नुभयो । केपी ओलीको नेतृत्वमा भएका जनपक्षीय कामहरुको सूची लिएर घर घर गएर पार्टीको नेता कार्यकर्ताहरु परिचालित हुनुपर्ने निर्देशनात्मक आग्रह उहाँले गर्नुभयो ।

बैशाख ३० गते हुने चुनावमा माधव नेपालको पत्ता साफ, माओवादीको दयनीय अवस्था हुने र काँग्रेस पनि कमजोर हुने निश्चित रहेकोले चुनावबाट भाग्न खोजे एमाले शक्ति प्रर्दशन गर्न समेत पछि नपर्ने नेता श्रेष्ठले प्रष्टयाउनुभयो । जिल्ला कमिटि सदस्य तथा कल्याणपुर नगरपालिका इन्चार्ज राम पुककार साहको अध्यक्ष्तामा सम्पन्न उद्घाट्न कार्यक्रममा विभिन्न पार्टी परित्याग गरी सयौ नेता कार्यकर्ता एमालेमा समाहित भएको थियो ।

पार्टी प्रवेबश गरेका नव आवगन्तुक नेता कार्यकर्ताहरुलाई सक्रियता , योग्यता र क्षमताको आधारमा जिम्मेबारी दिने नेता श्रेष्ठले विश्वास दिलाउनु भएको थियो । कार्यक्रमको सञ्चालन राष्ट्रिय युवा संघको स्थायी कमिटि सदस्य तथा सिरहा युवा इन्चार्ज बैधनाथ साहले सञ्चालन गर्नु भएको थियो ।