'चुनाव नजिकिँदै एमाले बलियो हुँदै भगवानपुरमा'

 

 

जीवछ उदासी 

बैशाख ५ गते । सिरहाको भगवानपुरमा चुनाव नजिकिँदै गएपछि एमाले झन् बलियो हुँदै जान थालेको छ । भगवानपुर -४ का इन्द्र नारायण यादव,सन्तोष साह,मुनेश्वर यादव,गजेन्द्र मण्डल आजदेखि फेरि एमालेमा सक्रिय हुने गरी एमालेमा फर्किनु भएको छ ।

जनता समाजवादी पार्टी परित्याग गरी भगवानुर -४ का लोकेश्वर साह एमालेमा प्रवेश गर्नु भएको छ । एमालेमा सक्रिय हुने र प्रवेश गर्नेहरुलाई नेकपा एमालेका पोलिटब्युरो सदस्य मधेस प्रदेशका सह इन्चार्ज लिलानाथ श्रेष्ठले फूलको माला लगाई उत्साहित बनाउनु भएको थियो । 

२०७४ सालको स्थानीय निर्वाचनमा उग्र नारायण यादवले। ८४ मतले पछि पर्नु भएको थियो । हाल जिल्ला कमिटि सचिव समेत रहनु भएको यादव भगवानपुर गाउँ पालिकाबाट अध्यक्ष पदको एकल उम्मेदबार हुनु भएको छ । जनताको सुखदुःखमा सदा समर्पित यादवलाई जिताउन भगवानपुर को जनता आतुर देखिएका छन् ।कार्यक्रममा नेकपा एमाले राष्ट्रिय प्रतिनिधि परिषदका सदस्य राम शंकर यादव र केन्द्रित सल्लाहकार समिति सदस्य तथा प्रदेश सभा माननीय लगनलाल चौधरीको समेत उपस्थिति रहेको थियो ।