चुनाव नजिकिँदै,लहान २ एमालेमा उत्साह थपिँदै

 

जीबछ उदासी

लहान,बैशाख २४ गते । 

जति जति चुनाव नजिकिँदै गएपछि लहान नगरपालिका २ मा एमालेमा उत्साह थपिदै गएको छ । 

 २०७४ सालको निर्वाचनमा नेपाली काँग्रेसका सितारामले जीत हासिल गरेको यस वडामा एमाले चौथो स्थानमा रहेको थियो । यस पटक एमालेको तर्फबाट केशव महतो उम्मेदबार रहनु भएको छ ।

२०७४ सालमा केशव महतोले २२० र एमालेको राम औतार महतोले १६८ मत ल्याउनु भएको थियो । अहिले राम औतार महतो र केशब महतो एमालेमै रहेको कारणले एमालेको पलरा निकै भारी हुँदै गएको छ । 

१५ सय मतदाता रहेको याद वडामा १२ सय मत खस्ने अनुमान गरिएकोमा चार सयभन्दा बढी ल्याउने उम्मेदबार बिजेता हुनेछ । नेकपा एमालेको वडाध्यक्षको उम्मेदबार महतोको पाइनल बिजय हुने वडा २ को मतदाताहरुले भन्न थालेका छन् ।

२४ गते विहान नेपाली काँग्रेसले निकालेको जुलुस पछि एमालेले निकालेको जुलुसमा काँग्रेसको भन्दा दोब्बर जुलुसमा काँग्रेसकोभन्दा दोब्बर सहभागी रहेको थियो ।