कर्जन्हामा एमाले सवल हुँदै,जीततर्फ अघि बढ्दै

 

जीवछ उदासी 

लहान,बैशाख २७ गते । 

कर्जन्हा नगरपालिकामा एमाले जीततर्फ अघि बढिरहेको छ । कर्जन्हाको समृद्धि र विकासको लागि भरपर्दो उम्मेदबार एमालेले उठाएकोले कर्जन्हामा करिब करिब जीततर्फ अघि बढिरहेको चर्चा चलेको छ । 

२०७४ सालको निर्वाचनमा नेकपा माओवादीको तर्फबाट मेयरमा गंगा प्रसाद र उपमेयरमा ज्ञानु श्रेष्ठले जीत हासिल गरेको कर्जन्हामा एमालेको मेयर पदमा ११ सय मतले पछि पर्नु भएको भोला पोखरेल यस पटकको निर्वाचनमा सवल देखिएको छ । 

नेकपा माओवादीको तर्फबाट बागी उमेदवार युगेश्वर राउतले निकै मत काट्ने भएकोले पोखरेलको जीत सुनिश्चित हुन लागेको हो । 

२० हजार ५०० मतदाता रहेको कर्जन्हामा मेयर पदमा एमालेको तर्फबाट भोला पोखरेल, माओबादीबाट गंगा पासवान,जापानबाट केशव प्रसाद साह, नेपाली काँग्रेसबाट अरुण कुमार दास र स्वतन्त्र उम्मेदबार युगेशवर राउतबीच प्रतिस्पर्धा देखिएपनि दिनानु दिन एमाले सबल हुँदै गएको छ ।