भगवानपुर गाउँपालिकामा एमालेको शानदार जीत

जीवछ उदासी 

लहान जेठ ६ गते । 

सिरहाको भगवानपुरमा नेकपा एमालेले शानदार रुपमा जीत निकाल्न सफल भएको छ ।‌ जनता समाजवादी पार्टीलाई पछि पार्दै एमाले जितेको हो । 

एमालेका अध्यक्ष पदको उम्मेदबार उग्र नारायण यादव उपाध्यक्षमा रेखा कुमारी यादव जनता समाजवादी पार्टीका अध्यक्ष बेचन प्रसाद यादव र उपाध्यक्ष पदमा जीवछी यादवलाई पछि पार्दै जीत निकाल्नु भएको हो ।

भगवानपुर -१ ,२,३ र ५ नम्बरमा एमालेका मिरा देवी यादव,सुर्य नारायण यादव ,बिनोद कुमार यादव र अमरलाल यादव नेकपा एमालेबाट वडाध्यक्षमा निर्वाचित हुनु भएको हो । वडा नम्बर ४ मा राम कुमार यादव जित हासिल गर्नुभयो । 

२०७४ सालमा थोरै मतले पराजित हुनु भएको उग्र नारायण यादव यसपटक दुई पुर्व मन्त्री रामचन्द्र यादव र राजलाल यादवलाई टक्कर दिँदै जीत निकाल्न सफल हुनु भएको हो । भगवानपुर गाँउपालिकामा नेकपा एमालेको चुनावी रथलाई अघि बढाउने नेतृत्व राम शंकर यादवले गर्नु भएको थियो‌ ।।