सिरहाका मेयर यादव आफैं झारु लिएर सफाई गर्न निस्केपछि

 

जीवछ उदासी 

लहान,जेठ १४ गते । 

सिरहा नगरपालिकाको नगरप्रमुखमा निर्वाचित भएको केहि दिनपछि डा नविन यादव आफै झारु लिएर सरसफाईको लागि निस्कनु भएको छ । 

सुन्दर विकसित सिरहा नगरपालिका बनाउने प्रतिवद्धता गरेर मेयरमा सिरहा नगरवासीले जिताएकोले परिवर्तन र विकासको लागि सधैं अगुवाई गरिरहने उहाँले बताउनु भएको छ । 

मेयर नहुँदा सिरहा स्थित चन्द्र माध्यमिक विद्यालयलाई भौतिक र शैक्षिक परिवर्तनको लागि योगदान गरेकोले सिरहा नगरपालिकाको विकास र समृद्धिको लागि नगरवासीले सुम्पेको जिम्मेबारी पुरा गरि छाड्ने प्रतिबद्धता व्यक्त गर्नुभयो ।

नगरप्रमुख यादवले भन्नुभयो,'शिक्षा स्वास्थ्य र कृषि क्षेत्रमा प्राथमिकताको साथ काम गर्छौ । जिल्लाको सदरमुकाम रहेको सिरहा नगरपालिकाले गर्ने विकास निर्माणले जिल्लाका अन्य नगरपालिका र गाउँपालिका हरुमा पनि विकासको लहर जानेछ ।'

स्वर्गीय सांसद हेम नारायण यादवको पुत्र डा यादव २०७४ सालमा सिरहा नगरपालिकामा झिनो मतले पराजित हुनु भएको थियो । पिताको राजनीति विरासतलाई अघि वढाउन चिकित्सक पेशाबाट नेकपा एमालेका जिल्ला उपाध्यक्ष समेत हुनुहुन्छ ।