'मधेस प्रदेशमा एमालेले सबै तागत झोक्नुपर्छ'

जीवछ उदासी

मंसिर ४ गते हुने चुनावमा मधेस प्रदेशमा कसको प्रा भारी होला ? गठबन्धनलाई एमालेले पछि पार्न सक्छ कि झन् दयनीय अवस्था होला ? यहि बीचम राष्ट्रपतिले फिर्ता गर्नु भएको नागरिकता विधेयकले असर पर्ला कि विभिन्न कोणबाट मधेसमा चर्चा चलि रहेको छ । गठबन्धनमा उम्मेदवारको व्यस्थापन चुनौती देखिएको छ भने नेकपा एमालेले गठबन्धनलाई परास्त गर्न निकै मेहनतको आवश्यक्ता छ । मधेस प्रदेशमा मधेसवादी मार्का भएका दलहरुको चमक पनि कम भएकै हो । नेपाली काँग्रेस आफ्नो पुरानो राजनीति जमीन फिर्ता गर्ने मुडमा छ । मधेसको राजनीति सेन्टीमेन्टमा बहकिने भएकोले नागरिकताको विषय अहिले उचालेर फेरि एमालेलाई कमजोर गर्ने रणनीतिमा नेपाली काँग्रेस र मधेसवादी दलहरु अघि बढिरहेको छ । यत्रो राष्ट्रिय अन्तराष्ट्रीय शक्ति केन्द्हरु लागेपनि नेकपा एमाले मधेस प्रदेशमा कमजोर छैन । तर, नेकपा एमालेलाई मधेसमा कमजोर गर्न दिल्लीले दुरबिन फिट गरिसकेको छ । यस्तो अबस्थामा नेकपा एमालेले के गर्ने ? कसरी अघि बढ्ने गमभीर हुन आवश्यक छ ।

मधेसमा दलित,महिला,मुस्लिम र गरीव जनताहरुको समस्या दिर्घकालिन रुपमा समाधान गर्ने आवाज नेकपा एमालेले उठाएको मात्रै छैन । सरकारमा गएको बेला समाधान पनि गरेको छ । मनमोहन अधिकारीर केपी ओलीको नेतृत्वको सरकारले गरेको जन कल्याणका कार्यक्रमहरु ,विभेदको अन्त्य गर्न ,समाजवादका आधार खडा गर्न र राष्ट्रियताको सवालमा डटेर चटान झैं उभिदा भारत नेपाली काँग्रेस र मधेसवादीहरुलाई प्रयोग गर्दै आइरहेको छ । यस पटकको निर्वाचनमा त भारतले एमालेलाई कमजोर गर्न हर तरहले लाग्ने देखिन्छ । 

नेकपा एमालेले मधेसमा चुनावी परिणाम आफ्नो पक्षमा ल्याउन प्रदेश स्तरीय कार्यशाला गोष्ठी लहानमा बुधबारदेखि सुरु गरेको छ । प्रशिक्षणको लागि महासचिव शङकर पोखरेल,भानुभक्त ढकाल,मधेसका नेताहरु रघुबीर महासेठ,प्रभु साह,लिलानाथ श्रेष्ठ,सुमन प्याकुरेल,राम चन्द्र मण्डल,राम दहाल मण्डल,राज कुमार लेखी र महिला नेतृहरुले आठवटै जिल्लाका जिल्ला कमिटिका पदाधिकारी र प्रदेश कमिटिका सदस्यहरुको दुई दिने प्रशिक्षण कार्यक्रमको आयोजना बहुत उपयुक्त समयमा आयोजना गरेको छ । आठ वटै जिल्लाका ३२ संघीय सांसद र प्रदेशसभा सदस्यहरुको उम्मेदबार कसलाई बनाउँदा जितिने सुक्ष्म रुपमा सर्वेक्षण गर्न आवश्यक छ । चुनाव जित्ने र पार्टी हाक्ने कुरालाई फरक नजरले हेर्न आवश्यक छ । भर्खरै सम्पन्न स्थानीय तहको निर्वाचनमा ठूलो ओहदा र पदमा रहेको नेताबाट अन्तर्घातको कारण जित्ने स्थानीय तह गुमाउनु परेको छ । मधेस प्रदेशमा यसको ताजा उदाहरण हो लहान नगरपालिका । लहान नगरपालिकामा पार्टीभन्दा जातिय उम्मेदवारलाई जिताउन अन्तर्घात भयो । लहान नगरपालिकामा मात्रै होइन,सखुवानन्कारकटिमा लज्जाजनक मत आयो । नेकपा एमाले जिल्ला कमिटिको अध्यक्ष चन्देश्वर मण्डल समेत यहि अन्तर्घात को शिकार हुनु परयो अर्नमा गाउँपालिकामा । मधेस प्रदेशका अन्य जिल्लाहरुमा पनि यो समस्या देखियो । स्थानीय तहमा अन्तर्घात गर्नेहरुलाई कार्वाही नगरिने हो भने संघ र प्रदेशमा पनि समस्या नहुने के ग्यारेण्टी ? २०७४ को स्थानीय चुनावमा लहान नगरपालिका जित हासिल गरेर प्रदेशकै प्रतिष्ठा कायम गरेको थियो । ५ वर्षमा हाम्रो लहान, समृद्ध लहानको नारा दिएर विकास निर्माणको कार्य पनि अन्य पालिका भन्दा राम्रो गरेको प्रमाण दिइरहनु पर्दैन। काम आफै बोलि रहेको छ । तर यस कार्यको प्रचार प्रसार पार्टीले गर्नु कहाँ हो कहाँ ठूलै नेताहरुको लागि अपाच्य भयो । दिनभरी पार्टीको झण्डा जलाएर रातभरी एमालेलाई हराउन सबथोक गर्यो ।

मधेस प्रदेशको दलित,महिला र गरीवको मत नै एमालेको भोट बैंक रहेपनि यो मत चुनावको एक दिन पहिले टिक्न नसक्ने पुरानो रोग रहेको छ । एमालेका वडा कमिटिका नेता कार्यकर्ताले एमालेले गरेको कार्यहरु र भावी योजना सहितको पुस्तिका प्रकाशित गरेर आफ्नो पारम्पारिक मतदाता र युवा पुस्तालाई आकर्षण गर्न कार्यक्रम ल्याउन जरुरी छ । एमालेका नेताहरु र अन्य पार्टीको नेताहरुको बोली व्यवहार र शैलीमा फरक ल्याउनु परयो । मधेसमा सुक्मबासीको समस्या समाधान,कृषिमा क्रान्तिकारी सुधार,शिक्षा र स्वास्थ्यको ग्यारेण्टी,मिटर ब्याजीको पीडाबाट मुक्ति,दाइजो प्रथाको अन्त्य,पर्यटन र सांस्कृतिक पक्षलाई मजबुत बनाउनुको साथै सुशासनको आधारहरु , नागरिकताको समस्या समाधान र सामाजिक न्याय र युवाहरुलाई रोजगारी लगायतका बिषयमा दक्ष प्रशिक्षकहरु वडा स्तर सम्म परिचालन गरे गठबन्धनलाई परास्त गर्ने निश्चित छ । नेकपा एमाले इतिहासकै अत्यन्त गमभीर मोडमा उभिएकोले नेकपा एमालेको नेता कार्यकर्ताहरु जो स्थानीय चुनावमा पार्टीको लिक छोडेर गलती भयो । अब नदोहोरिने प्रतिवद्धता र विश्वास पार्टीलाई दिलाउन जरुरी छ ।