सिरहाको विष्णुपुरबाट कटुवा पेस्तोलसहित एक जना पक्राउ

  • मंसिर २९, २०७९
  • समृद्धिपथ
alt

सिरहा । सिरहाको विष्णुपुर गाउँपालिका-३, राजपुरबाट एकथान कटुवा पेस्तोलसहित एक जनालाई प्रहरीले पक्राउ गरेको छ ।
ईलाका प्रहरी कार्यालय बिष्णुपुर सिरहाबाट प्रहरी नायव निरिक्षक गोबिन्द कुमार खत्रीको कमाण्डमा खटिएको गस्ती टोलिले बुधबार राति उनलाई पक्राउ गरेको हो ।

पक्राउ पर्नेमा विष्णुपुर-३, राजपुर बस्ने २२ वर्षीय विन्दे भन्ने शावनकुमार दासलाई १ थान कटुवा पेस्तोल र १ राउण्ड गोलीसहित पक्राउ गरेको जिल्ला प्रहरी कार्यालय सिरहाका प्रवक्ता तथा सूचना अधिकारी प्रहरी नायव उपरीक्षक सुवास बुढाथोकीले बताएका छन्।

यस घटनाको सम्बन्धमा अनुसन्धान गर्ने क्रममा सोही ठाउँ बस्ने २८ वर्षीय सरोज यादव र निज विन्देले मोटरसाइकल चोरी गरी लगेको भन्ने खुल्न आएपछि उनीहरुको खोजी गर्ने क्रममा विन्देलाई घरमबाट प्रहरीले पक्राउ गरेको छ ।

पक्राउ परेका विन्देले कम्मरमा भिरी राखेको १ राउण्ड गोली लोड भएको अवस्थामा उक्त हतियार पनि बरामद गरिएको प्रहरीले जनाएको छ ।

पक्राउ परेकालाई जिल्ला अदालत सिरहाबाट हातहतियार तथा खरखजाना मुद्दामा ५ दिनको म्याद लिई जिल्ला प्रहरी कार्यालय सिरहाबाट थप अनुसन्धान भईरहेको जनाउँदै फरार रहेको सरोजको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको जनाएको छ ।

pic 11

रोकिएन बिद्यालयमा या ...

दुर्गा परियार, सिरहा । बाबू स्कुल जाउ नत्र सरलाई भनी ...

लहान ९ मा दुई दिने थ ...

फिरोज सिद्दिकी, लहान । थारु कला संस्कृतिको संरक्षण गर् ...

लहानमा प्रथम थारू मा ...

लहान । सिरहाको लहान ९ गोठ टोलमा माघी पर्वको अवसरमा प्रथ ...

मधेस प्रदेशको मुख्यम ...

पुस २७ , जनकपुरधाम । जनता समाजवादी पार्टी नेपालका नेता ...

सुचना तथा प्रसारण विभाग: N/A

Copyright © 2020 / 2023 - Samriddhipath.com All rights reserved

प्रेस काउन्सिल नेपाल: : N/A