शितलहरबाट जोगाउन दाउरा वितरण गरिरहेका छौ : नगरप्रमुख यादव

जीवछ उदासी 

लहान,पुस २२ गते । 

मिर्चैया नगरपालिकाले बढ्दो शितलहरलाई ध्यानमा राखेर आगो ताप्न दाउराको प्रबन्ध मिलाएको छ ।‌

 विपत्त व्यवस्थापन समितिका संयोजक समेत रहनु भएको मिर्चैया नगरपालिका प्रमुख श्रवण कुमार यादवले आजदेखि दाउरा वितरणको कार्यलाई तीव्रता दिइएको बताउनुभयो । 

मिर्चैया नगरपालिकाको कटारी थाना चोक लगायत विपन्न दलित बस्तीहरुमा शितलहर छल्न दाउरा वितरणको कार्यलाई निरन्तरता दिइने प्रमुख यादवले जानकारी दिनुभयो । 

सिरहा जिल्लाका १७ वटै पालिकाहरुमा शितलहरबाट प्रभावित हुने बस्तीहरुमा दाउरा वितरण र अवश्यक सहयोगको लागि समन्वय भइरहेको जिल्ला समन्वय समिति सिरहाको प्रमुख दिनेश कुमार महतोले जानकारी दिनुभयो । 

शितलहरबाट जोगिन सिरहाका नबराजपुर गाउँपालिका,मिर्चैया,सिरहा र लहान नगरपालिकाले सामुदायिक विद्यालयमा जाडो बिदा समेत गरिसकेको छ ।

बाढी शितलहरको कहरमा पर्ने विपन्न दलितहरुको यकिन तथ्याङ्क र तथ्याङक अनुसारको पूर्व तयारी गर्न आवश्यक ऐनको आभाव रहेको दलित जन जनकल्याण युवा क्लवको निर्देशक बिनोद बिसुन्केले भन्दै मधेस प्रदेशको रौतहट र सप्तरीमा एक गरी पाँच जनाको मृत्यु भैसकेको बताउनुभयो ।