लहान ९ मा दुई दिने थारु माघी महोत्सव सुरु

फिरोज सिद्दिकी,

लहान । थारु कला संस्कृतिको संरक्षण गर्ने उद्देश्यले सिरहाको लहानमा थारु माघी महोत्सव-२०७९ सुरु भएको छ । लहान ९ खुट्टीपारी गोठ टोल स्थित आधारभूत विद्यालयको खेल मैदानमा आजदेखी सुरु भएको महोत्सव माघ २ गतेसम्म सञ्चालन हुनेछ ।
दुई दिने प्रथम थारु माघी महोत्सवलाई लहान नगरपालिकाका नगर प्रमुख महेश प्रसाद चौधरीले उद्घाटन गर्नुभएको हो ।

उद्घाटन समारोहलाई सम्बोधन गर्दै नगर प्रमुख चौधरीले लहान नगरको विकासका लागि सामुदायिक संस्कृतिको विकास हुन जरुरी रहेको बताउनु भएको छ ।

पक्की सडक र ठूला ठूला भवन बनाएर मात्र विकास न हुने दावी गर्दै जन्म दर्ता, विवाह दर्ता, मृत्यु दर्ता, नागरिकताका लागि सिफारस निःशुल्क गरेका छौ । त्यो पनि लहान नगरको लागि ठूलो विकासको रुपमा रहेको बताउनु भएको छ ।

उहाँले हामी निर्वाचित भएर आएदेखि जनचाहना अनुसार विकासको काम हुन नसकेको स्विाकार गर्दै आगामी दिनहरुमा जनचाहना अनुसार विकास निर्माणको काम गर्ने प्रतिवद्धता व्यक्त गर्नु भयो । अगामी वर्ष २०८० देखी माघी महोत्सवको नेतृत्व लहान नगरपालिकाले लिने घोषाणा समेत गर्नु भयो ।

श्री लहानगोठ माघी महोत्सव मेला समितिको संयोजक तथा लहान ९ का वडाध्यक्ष घुरल चौधरीको अध्यक्षतामा संचालित उद्घाटन कार्यक्रमको प्रमुख अतिथि लहान नगरपालिकाका प्रमुख महेश चौधरी तथा विशिष्ठ अतिथि नगर उपप्रमुख रामचलितर महतो र लहान नगरपालिकाका कानूनी सल्लाहकार सन्तोष सुवेदी रहेका थिए ।

कार्यक्रममा लहान नपाका आर्थिक सल्लाहकार उमेश साह, लहान सिटि जेसिसका अध्यक्ष तथा पत्रकार फिरोज शेख, राससका समाचारदाता एलिना हिंगमाङ्ग चौधरी, लहान ९ का वडासदस्यहरु राजकुमार मल्ल, एस कुमार चौधरी, लहान ९ का पूर्व वडाध्यक्ष ज्वाला प्रसाद चौधरीलगायतको उपस्थिति रहेको थियो ।

उक्त महोत्सवमा थारुहरुका विभिन्न नृत्यहरु प्रतियोगिताहरु जस्तै, झुमरा, झर्रा नाँच र खानाका परिकारहरुमा घुँगी, ढिकुरी, माछका स्टल, रस्सीका स्टल, बालबालिकाका लागि रमाइलो मेला, ठुलो पोखरीमा डुंगामा सयरगनुका साथै महोत्सवलाई थप मनोरन्जनात्मक बनाउन राष्ट्रिय तथा स्थानीय कलाकारहरुको बेजोड प्रस्तुति रहने आयोजकले जनाएको छ ।