लायन्स क्लबद्वारा ४७० विरामीको नि:शुल्क जाँच

 

जीवछ उदासी 

लहान,माघ २५ गते । 

लायन्स क्लव अफ लहान फूलवारीले ४७० जना ग्रमीण भेगमा स्वास्थय शिविर संचालन गरेर विपन्न दलित समुदायको स्वास्थय जाँच गरेको छ । 

 २०७९ माघ ९ गते सखुवानन्कारकटि -१ मौवाही र माघ २५ गते लहान नगरपालिका वडा नम्बर -२४ गपबिन्दपुरमा सञ्चालन गरेको शिविरमा मधुमेह र रक्तचाप विरामीको जाँच सहित युएसबी कम्पनिको सहयोगमा औषधि समेत वितरण गरिएको क्लवका उपाध्यक्ष शङ्कर प्रसाद गुप्ताले जानकारी गराउनुभयो ।

उपचारमा संलग्नद्वय चिकित्सक शिशिर यादव र रितेश गिरीको अनुसार सखुवानन्कारकटि -१ मा २६५ र लहान -२४ मा २०५ विरामीको उपचार गर्दा अधिकांशमा मधुमेह र रक्तचापको समस्या देखियो । विरामीहरुलाई समयमा उपचार खानपिन र व्यामबारे सल्लाह दिएको उहाँहरुले बताउनुभयो । 

क्लवले शिविर सञ्चालन गरेर ठूलो उपकार गरेको सखुवानन्कारकटि गाउँपालिका अध्यक्ष केदारनाथ यादव र लहान वडा नम्बर २४ का वडाध्यक्ष रास लाल रायले धन्यवाद ज्ञापन गर्नुभयो । 

लायन्स क्लव अफ फूलवारी गठन भएको दुई वर्षमा वातावरण,भोकालाई सहयोग,क्यान्सर,सुगर र आँखा सम्बन्धी कार्य गरिरहेको क्लवका अध्यक्ष राकेश झाले जानकारी गराउनुभयो ।