जीवछ उदासी
लहान । लहान नगरपालिका -१० स्थित श्री जनता आधारभूत विद्यालय बैरिया गुँदीगाउ लहान -१०को सुरक्षाको लागि निर्वाचन विकास क्षेत्र अन्तर्गतको बजेटबाट पर्खाल निर्माणकार्य सम्पन्न भएको छ ।
पर्खाल निर्माण कार्य सम्पन्न भएपछि विद्यालयको सौन्दर्यकरण बढ्नुको साथै विद्यालयको शैक्षिक क्रियाकलाप शान्त वातावरणमा हुने त्यस विद्यालयका प्रधानाध्यापक रङगलाल साहले बताउनु भएको छ । उहाँले जानकरी दिनुभयो,'आठ लाख ४१ हजारको लागतमा पर्खाल निर्माण कार्य सम्पन्न भएको हो ।'
प्रअ साहको अनुसार विद्यालय क्षेत्रको जग्गा खाली रहँदा विद्यालयसँग टाँसिएको सबैको बसउठ हुने ठाउँ नै विद्यालयको प्राङगन नै हुनुको साथसाथै सुरक्षाको लागि पनि राम्रो भएको छ । यसको लागि प्रदेशसभा सदस्य राजेन्द्र प्रसाद चौधरीले स्थानीयहरको माग अनुसार बजेट उपलब्ध गराइ दिनु भएकोमा प्रअ साहले धन्यवाद ज्ञापन गर्नुभयो ।
विद्यालय व्यवस्थापन समितिको पुर्व अध्यक्ष नथुनी पासवानले भन्नुहुन्छ,' लहान नगरपालिकाको पुर्व अध्यक्ष हुँदा लहान नगरपालिकासँग सहकार्य गरेर भौतिक निर्माणका कार्यहरु गरयौ । वडा कार्यालय लहान नगरपालिका ,प्रदेशसभा र संघीय सांसदसँग समन्वय गरेर यस विद्यालयको पक्की भवन निर्माण गरेर जस्तापाता मुक्त भवन निर्माणको लागि लागिपरेका छौं ।'
९९ प्रतिशत दलित बालबालिका पढ्ने यसविद्यालयलाई माध्यमिक कक्षा सञ्चालनको लागि नगरपालिकाले कक्षा ९ को अनुमति दिएर एक जना स्वयमसेवक शिक्षिका उपलब्ध गराउनु सकारात्मक पहल भएको वडाध्यक्ष मन्टी कुमार मण्डलले भन्दै थप स्वयम सेवक शिक्षक र भवन निर्माणको लागि पहल गरिरहेको बताउनुभयो ।
दलित जनकल्याण युवा क्लवको पहल लहान नगरपालिकाको प्राथमिकता चिकन परियोजना अन्तर्गत खानेपानी र सुविधा सम्पन्न शौचालय निर्माण कार्यले विद्यालयको सौन्दर्यकरणमा थप बल पुगेको स्थानीयहरुले बताउनुभयो ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A