एमाले उपाध्यक्ष सुवासचन्द्र नेम्वाङको निधन

काठमाडौँ । नेकपा एमालेका उपाध्यक्ष तथा संविधानसभा अध्यक्ष सुवासचन्द्र नेम्वाङको हृदयघातका कारण निधन भएको छ ।

उनको त्रिवि शिक्षण अस्पतालमा उपचारका क्रममा निधन भएको हाे ।

बालुवाटारस्थित निवासमा हृदयघात भएसँगै उनलाई त्रिवि शिक्षण अस्पताल लगिए पनि चिकित्सकले मृत घोषणा गरेको बताइएको छ । नेम्वाङ गत मंसिरमा सम्पन्न प्रतिनिधि सभा निर्वाचनमा इलाम–२ बाट विजयी भएका थिए । उनी एमाले संसदीय दलका उपनेतासमेत हुन् ।

नेम्वाङ विसं. २०६३ मा पुनः स्थापित प्रतिनिसिधासभाको सभामुख, २०६४ सालमा व्यवस्थापिका संसदको सभामुख, २०६५ र २०७० सालमा संविधानसभा अध्यक्ष भएका थिए ।