शिक्षकहरु आन्दोलनमा सहभागीभएछि विद्यालय सुनसान

 

जीवछ उदासी

लहान,भदौ ५ गते । 

शिक्षक महासंघले अहवान गरेको राजधानी स्थित आन्दोलनमा शिक्षकहरु सहभागी भएपछि सिरहाका सामुदायिक विद्यालयहरु सुनसान बनेको छ । 

तेस्रो दिन जारी आन्दोलनमा शिक्षक महासंघको अहवानमा सिरहाका सयौ शिक्षकहरु सहभागीता जनाएका छन् । जान नभ्याएका शिक्षकहरु जाने तयारी गरिसकेको नेपाल राहत शिक्षक समिति लहानका सचिव हरिनाथ यादवले बताउनुभयो ।

 

उहाँले भन्नुभयो,'सरकारसँग हुने वार्तामा राहत शिक्षकहरुलाई नसमेटिए ४० हजार राहत शिक्षकहरुले आन्दोलनलाई निष्कर्षमा नपुरयाई फिर्ता हुने छैनौ ।' ६० वर्षसम्म काम गर्न पाउने र अवकासपछि सामाजिक योगदानमा आधारित सामाजिक सुरक्षा भत्ता पाउनुपर्ने र स्थानीय तहले राहत शिक्षकहरुको सरुवा गरेर कुनै मानसिक तनाब दिन नहुने राहत शिक्षक समिति लहानले केन्द्रिय राहत शिक्षक समितिलाई उठाउन सुझावको रुपमा दिइएको उहाँले जानकारी दिनुभयो

।