व्यापार फस्टाउन सहुलियमा ऋण देऊ: अध्यक्ष शारडा

 

जीवछ उदासी 

लहान,असोज ८ गते ।

उद्योग वाणिज्य सङ्घ सिरहा लहानको अध्यक्ष विकास शारडाले व्यापार व्यवसाय फस्टाउन सहुलियत दरमा बैंकले ऋण उपलब्ध गराउनुपर्ने बताउनु भएको छ । 

राष्ट्रिय बाणिज्य बैंक लहान शाखाको नवनिर्मित भवनको आइतवार उद्घाटन सत्रमा शुभकामना मनतव्य दिने क्रममा उहाँले यस्तो बताउनु भएको थियो । 

सिङगल डिजिटमा व्यापारी व्यवसायीहरुलाई कर्जा दिन राष्ट्रिय बाणिज्य बैंकले नीति ल्याउनुपर्ने अध्यक्ष शारडाले जोड दिनुभयो । 'आर्थिक मन्दीले व्यापारिक नगरीको रुपमा पहिचान भएको लहानको व्यापार व्यवसाय चौपट भइरहेको छ । व्यसायी नरहे समाजको समृद्धि संभव हुने छैन',उहाँले थप्नुभयो ।

हाल लहान प्रदेशिक अस्पतालको दाताद्वय रामकुमार शारडा र उमा प्रसाद मुरारको नाम हटाएर ठूलो भूल भएको भन्दै दाताहरुको नाम राखेर नामाकरण गर्न मधेश प्रदेशको मुख्यमन्त्रीको ध्यान आकर्षित ध्यान आकर्षित गराउनु भएको थियो ।