'मिटरव्याजीहरुलाई ऋण दिएर बैंहरुले प्रोत्साहन गर्नु हुँदैन'

 

जीवछ उदासी 

लहान,असोज ८ गते । 

नेकपा माओवादी केन्द्र लहानको अध्यक्ष हेमन्त कुमार यादवले राष्ट्रिय बाणिज्य बैंक लगायत अन्य बैंकहरुले मिटरव्याजीहरुलाई ऋण दिएर प्रोत्साहन गर्न नहुने बताउनु भएको छ । 

आइतबार राष्ट्रिय बाणिज्य बैंक लहान शाखाको नवनिर्मित भवनको उद्घाटन सत्रमा शुभकामना दिँदै यस्तो बताउनु भएको हो । 

गाउँका किसान मजदूरहरुले उस बिस हजारको रकमको लागिपनि मिटरब्याजीहरुको शरणमा जानुपर्ने बाध्यताको अन्तय गर्न बैंकहरु साना मझौला किसानहरुलाई गर्जो टार्न ऋण दिनुपर्ने उहाँले जोडदिनुभयो ।

सरकारको स्वामित्वमा रहेको राष्ट्रिय बाणिज्य बैंक लहान शाखाको नवनिर्मित सुविधा सम्पन्न भवन निर्माण भएकोमा नेकपा माओवादी केन्द्र लहानले गौरव महसुस गरेको अध्यक्ष यादवले प्रष्टयाउनुभयो ।