राहत शिक्षकको आन्दोलन आठौ दिनमा

 

जीवछ उदासी 

लहान,असोज ९ गते । 

राहत,बालविकास,पेन्सन बञ्चित, विद्यालय कर्मचारीहरु र प्लस टु अनुदान शिक्षकहरु राजधानी केन्द्रित आठौ दिनको आन्दोलन जारी राखेको छ । 

शिक्षक महासङ्घले तेस्रो दिन सरकारसँग गरेको सम्झौतामा राहत लगायतका शिक्षकहरुको माग नसमेटिएपछि आन्दोलन जारी राख्नु परेको राहत शिक्षक समितिका केन्द्रिय अध्यक्ष खेमराज अधिकारीले बताउनु भएको छ । 

मङ्गलबार ९ गते माइतीघर मण्डलाबाट बानेश्वरसम्म सिटि जुलुस गरेर सिटि फुकेर सरकारको ध्यान केन्द्रित गराइको थियो । 

राहत शिक्षकका सह अध्यक्ष बिरेन्द्र मल्लले सरकारले हाम्रो माग पुरा गरेन भने शान्तिपूर्ण आन्दोलन हिंसात्मक भए,त्यसको जिम्मेबार सरकार स्वयम हुने प्रष्टयाउनुभयो । राहत शिक्षकहरुले स्थायीको माग गर्दै आन्दोलनमा सक्रिय रहेकाछन् ।