नबौ दिन कालोपटी बाँधेर आन्दोलनमा

 

जीवछ उदासी 

राहत बालविकास पेन्सन बञ्चित र प्लस टु अनुदान कोटाका शिक्षकहरु नबौ दिन कालोपटी बाँधेर आन्दोलन जारी राखेको छ । 

प्रत्येक दिन झै आजपनि माइतीघर मण्डलाबाट नारा जुलुस गर्दै बानेश्वरसम्म पुगेको थियो । आन्दोलनमा हजारौ शिक्षकहरुले कालोपाटी बाँधेर शिक्षा विधेयक फिर्ता गर शिक्षक महासंघ मुर्दावाद माग पुरा नभएसम्म आन्दोलन जारी रहने नारा लगाएका थिए । हिजोको प्रदर्शनमा पर्सा ठोरीकी सञ्चिता खत्रीको खुट्टा भाँचिएको थियो भने आठ जना शिक्षक घाइते भएका थिए । 

शिक्षक महासंघले आन्दोलनको नेतृत्व गरेर तेस्रो दिनमा सरकारसँग वार्ता गरेर राहत बालविकास पेन्सन बञ्चित र प्लस टु अनुदान कोटा शिक्षकहरुको माग छाडेर वार्ता गरेर पछि हटेपछि अससन्तुष्ट शिक्षकहरुले निरन्तर आन्दोलन गर्दै आइरहेका छन् । माग पुरा नभएसम्म आन्दोलनबाट फिर्ता नहुने राहत शिक्षक समितिका अध्यक्ष खेमराज अधिकारीले बताउनुभयो ।